Johan Fredrik Eckersberg
Johan Fredrik Eckersberg (16. juni 1822–13. juli 1870) var ein norsk kunstmålar. Han er særleg kjend for sine landskapsmåleri frå høgfjellet.
| Johan Fredrik Eckersberg | |
 | |
| Statsborgarskap | Noreg |
| Fødd | 16. juni 1822 Drammen kommune |
| Død |
13. juli 1870 (48 år) |
| Yrke | kunstmålar, illustratør |
| Sjanger | landskapsmåleri |
| Born | Johan Fredrik Eckersberg |
| Johan Fredrik Eckersberg på Commons | |
Liv og gjerning
endre
Eckersberg var fødd i Drammen, der faren var kjøpmann. I yngre år lærte han seg til farens yrke. Under eit opphald i Nederland vart han for fulle kjend med målarkunsten. Han fekk si målarutdanning ved Den kgl. Tegneskole i Kristiania, under Johannes Flintoe (1843-46), og sidan ved kunstakademiet i Düsseldorf under Johann Wilhelm Schirmer (1846-48). I Düsseldorf fekk han elles rettleiing frå Hans Gude, og Eckersberg vart påverka av både denne og avdøde August Cappelen sin målarstil.
Frå 1848 busette Eckerberg seg i den norske hovudstaden. Han levde av å måle landskapsbilete og illustrere eventyr. Dessutan laga han teikningar til plansjeverk (til dømes Norge fremstillet i Tegninger og Norske Nationaldragter). 1852-54 budde han av helsegrunnar på Madeira. Året etter han kom heim fekk han trykt ei mappe med fargelitografi basert på opphaldet.
I si framstilling av det norske landskapet la Eckersberg etter kvart vekt på den klare, skarpe strek. Det koloristiske vart tona ned, og landskapa framstår som meir røyndomsnære enn tilsvarande som dei andre norske düsseldorf-målarane laga. Slik vert han ein overgangsfigur i norsk kunsthistorie mellom romantikken og realismen. Fra Valle i Setesdal er hans fyrste hovudverk, midt i 1860-åra kom Solnedgang på fjellet og Fra Jotunheimen.
Eckersberg oppretta i 1859 ein målarskule i Kristiania. Denne skulen fekk stor innverknad på norsk kunstliv dei neste tiåra. Trass i dårleg helse grunna tuberkulose, dreiv han skulen fram til sin død. Skulen vart driven vidare av mellom andre Knud Bergslien.
Eckersberg døydde i Sandvika i Akershus.
Verk
endre- Fra Valle i Setesdal, 1852
- Norske Nationaldragter, 1852
- Views in the islands of Madeira, 1855
- Portrett av Rikard Nordraak
- Romsdalshorn, 1865
- Brudeferd i Hardangerfjorden, 1865 og 1866
- Fra Jotunheimen, 1866
Kjelder
endre- Denne artikkelen bygger på «Johan Fredrik Eckersberg» frå Wikipedia på bokmål, den 29. oktober 2009 .
- Glenny Alfsen: «Johan Fredrik Eckersberg» i Norsk biografisk leksikon
