Mimar Sinan
Koca Mimar Sinan Agha (1490–17. juli 1588) var ein osmansk arkitekt, sjefsarkitekt for sultanane Selim I, Suleiman I, Selim II og Murad III. Meisterverket hans vert rekna å vere Selimiyemoskeen i Edirne, sjølv om det best kjende er Süleymaniyemoskeen i Istanbul.
| Mimar Sinan | |
 | |
| Fødd | 1490 Ağırnas |
| Død |
17. juli 1588 (97 år) |
| Yrke | arkitekt, sivilingeniør, vitskapsperson, byplanlegger |
| Ektefelle | Fatma Nur |
| |
| Mimar Sinan på Commons | |
Liv og virke
endreEtter å ha fått utdanning som arkitekt og ingeniør deltok Sinan frå 1514 som medlem av ingeniørkorpset i militære felttog mot sør og aust. Etter at dei ottomanske styrkane hadde erobra Kairo, vart Sinan utnemnd til sjefsarkitekt. Under eit felttog mot Persia bygde han skip for hæren. Skipa skulle kunne krysse sjøen Van (sjø). For denne innsatsen vart han utnemnd til Haseki'i i sultanen si livgarde.
Sinan sitt første sivile arbeide var Şehzademoskeen frå 1548. I 1550 byrja han arbeidet på det store Süleymaniye-komplekset i Konstantinopel. Han har teikna ein lang rekke moskear og bygningar i og omkring Istanbul, som Selimiyemoskeen i Edirne, Kadirga Sokullu-moskeen og Rüstem Paşa-moskeen i Istanbul. Han har også teikna Taqiyya al-Sulaimaniyya i Damaskus.
I alt er Sinan tilskriven:
- 84 større moskear (çami)
- 52 mindre moskear (mescit)
- 57 universitet
- 41 bad (hamam)
- 35 palass (saray)
- 22 mausoleum (türbe)
- 20 karavaneserai (kervansaray; han)
- 17 offentlege kjøken (imaret)
- 8 bruer
- 8 lagerhus
- 7 skular (medrese)
- 6 akveduktar
- 3 hospital (darüşşifa)
Sinan er gravlagt utanfor murane av Süleymainye i Istanbul, i gata Mimar Sinan Caddesi, som er oppkalla etter han.
Eit krater på Merkur er oppkalla etter Sinan.
Galleri
endre-
Føregarden til Suleymanie-moskéen. -
Kjelder
endre- Denne artikkelen bygger på «Mimar Sinan» frå Wikipedia på bokmål, den 29. juni 2009.