Passaren

Passaren (frå latin Circinus) er eit lyssvakt stjernebilete på den sørlege himmelhalvkula, først definert i 1756 av den franske astronomen Nicolas Louis de Lacaille. Den mest lyssterke stjerna er Alfa Circini, med ein tilsynelatande storleik på 3,19. Ho er noko variabel, og den raskaste oscillerande Ap-stjerna på nattehimmelen. AX Circini er ein kefeide som er synleg for det nakne auga, og BX Circini er ei lyssvak stjerne ein trur har blitt danna av at to kvite dvergar har slått seg saman. To sol-liknande stjerner har planetsystem: HD 134060 har to små planetar, og HD 129445 har ein Jupiter-liknande planet. Supernova SN 185 oppstod i Passaren i 185 evt og vart observert og registrert av kinesiske observatørar. To novaer er blitt oppdaga i nyare tid, på 1900-talet.

Passaren
Passaren
Latinsk namn	Circinus
Forkorting	Cir
Genitivsform	Circini
Symbologi	Namngitt av la Caille
Rektasensjon	15 h
Deklinasjon	−60°
Areal	93 kvadratgrader nr. 85 av stjernebilda
Stjerner sterkare enn mag. 3	0
Sterkaste stjerne	α Cir (3,2. mag.)
Meteorsvermar	Ingen
Tilgrensande stjernebilde	Kentauren Fluga Paradisfuglen Det sørlege triangelet Vinkelhaken Ulven
Synleg mellom breiddegradane +10° og −90°

Mjølkevegen går gjennom stjernebiletet, og det har objekt som den opne hopen NGC 5823 og den planetariske tåka NGC 5315. Passaren har ein kjend spiralgalakse, Passargalaksen, som vart oppdaga i 1977 og er den nærmaste Seyfertgalaksen til Mjølkevegen. Alfa Circinidane (ACI) er ein meteorsverm som òg vart oppdaga i 1977, som stråler ut frå dette stjernebilete.

Karakteristikk

Stjernebiletet Passaren slik det er for det nakne auga

Passaren grensar til Kentauren, Fluga, Paradisfuglen, Det sørlege triangelet, Vinkelhaken og Ulven og ligg like ved Alfa og Beta Centauri. Dei offisielle grensene til stjernebiletet vart teikna av Eugène Delporte i 1930, og er definert av ein polygon med 14 segment.

Denne artikkelen bygger på «Circinus» frå Wikipedia på engelsk, den 3. juli 2016.
- Wikipedia på engelsk oppgav desse kjeldene:

Wikimedia Commons har multimedia som gjeld: Passaren