Peggy Sue
| Peggy Sue Singel av Buddy Holly frå albumet Buddy Holly | ||
| B-side |
«Everyday» | |
|---|---|---|
| Språk | engelsk | |
| Utgjeve | 20. september 1957 | |
| Innspelt | 29. juni og 1. juli 1957, Clovis i New Mexico | |
| Sjanger | Rock and roll | |
| Lengd | 2:29 | |
| Selskap | Coral 9-61885 | |
| Komponist | Buddy Holly, Jerry Allison, Norman Petty | |
| Tekstforfattar | Buddy Holly | |
| Låtskrivar(ar) | Buddy Holly, Jerry Allison, Norman Petty | |
| Produsent | Norman Petty | |
| Buddy Holly-kronologi | ||
| «That'll Be the Day» (1957) |
Peggy Sue | «Love Me» (1958)
|
«Peggy Sue» er ein rock and roll-song skriven av Buddy Holly, Jerry Allison og Norman Petty, og spelt inn og gjeven ut på singel av Holly tidleg i juli 1957. Crickets er ikkje nemnt på etiketten til singelen (Coral 9-61885),[1] men bandmedlemmane Joe B. Mauldin (kontrabass) og Jerry Allison (trommer) var med på innspelinga.[2] Denne innspelinga vart òg gjeven ut på Holly-albumet Buddy Holly i 1958.
Produksjon
endreSongen vart opphavleg kalla «Cindy Lou», etter niesa til Holly, dottera til systera Pat Holley Kaiter. Tittelen vart seinare endra til «Peggy Sue», etter Peggy Sue Gerron, som var kjærasten (og den framtidige kona) til Jerry Allison, trommeslagaren i The Crickets, etter ein kort periode då paret hadde slått opp.[3]
Allison hadde ei markant rolle i produksjonen av songen og spelte såkalte «paradidlar» på trommene gjennom heile songen, medan trommelyden tonar inn og ut som lydteknikarane til produsenten Norman Petty gjorde i sanntid under innspelinga.
I starten var berre Allison og Petty oppførte som låtskrivarar av songen.[1] Etter at Allison insisterte vart Holly lagt til som låtskrivar etter at han døydde. Joe B. Mauldin (kontrabass) og Allison (trommer) var med på innspelinga.[2]
Mottaking
endre«Peggy Sue» nådde tredjeplassen på Billboard Top 100 i 1957.
Songen er rangert på 194. plassen på lista til Rolling Stone frå 2004 over dei 500 beste songane gjennom tidene, og på den oppdaterte lista frå 2010 var han på 197. plassen. Han er rangert på 106. plassen på lista til Acclaimed Music og den tredje beste songen frå 1957.[4] I 1999 inkluderte National Public Radio (NPR) songen på NPR 100-lista si, ei liste over «dei 100 viktigaste amerikanske songane på 1900-talet».[5] Songen vart innlemma i Grammy Hall of Fame i 1999.[6]
Rock and Roll Hall of Fame and Museum inkludere songen på lista «Songar som forma rock and roll».[7]
«Peggy Sue Got Married»
endreHolly skreiv ein oppfølgjar, «Peggy Sue Got Married», og spelte inn ein demoversjon av songen i leilegheita si i New York City den 5. desember 1958, med berre han sjølv på gitar.[8] Lydbandet vart oppdaga etter at han døydde og «forbetra» for utgjeving på plate med korvokal og ein elektrisk gitar, som nesten druknar originalgitaren og røysta til Holly. Den sjeldne originalinnspelinga kom ut på vinylsamlinga The Complete Buddy Holly. Han vart seinare spelt over opninga av Kathleen Turner-filmen Peggy Sue Got Married frå 1986.[9]
Etter at Holly døydde gav The Crickets ut sin eigen versjon av songen på singel i 1960. Dei følgde arrangementa til originalen, med David Box, som hadde likande røyst som Holly, på vokal.[10]
Salslister
endreSingel
endre| Liste (1957) | Plassering |
|---|---|
| Billboard[11] | 3 |
| UK Charts[11] | 6 |
| Canada[11] | 4 |
| Liste (1958) | Plassering |
| Nederland[12] | 5 |
| Belgia[13] | 9 |
Kjelder
endre- Denne artikkelen bygger på «Peggy Sue» frå Wikipedia på engelsk, den 10. februar 2018.
- Wikipedia på engelsk oppgav desse kjeldene:
- Amburn, Ellis (1995). Buddy Holly: A Biography. St. Martin's Press. ISBN 0-312-14557-8.
- Cott, Jonathan (1976). In The Rolling Stone Illustrated History of Rock and Roll. Rolling Stone Press, Random House. ISBN 0-394-73238-3.
- ↑ 1,0 1,1 Buddy Holly: Peggy Sue på Discogs (liste over utgjevingar)
- ↑ 2,0 2,1 Buddy Holly Timeline.
- ↑ Amburn, p. 78.
- ↑ «Acclaimed Music Top 3000 songs». 27 May 2009.
- ↑ NPR Online. «NPR 100: Peggy Sue.».
- ↑ «Song artist 320 – Buddy Holly. tsort.org.».
- ↑ Songs That Shaped Rock and Roll: "Peggy Sue". Rock and Roll Hall of Fame and Museum., arkivert frå originalen 24. mai 2016, henta 10. februar 2018
- ↑ Peggy Sue Got Married: The Song That Buddy Holly Never Heard. chimesfreedom.com.
- ↑ «Peggy Sue Got Married (1986)». IMDb.
- ↑ Gerron, Peggy Sue; Cameron, Glenda (2008). Whatever Happened to Peggy Sue? A Memoir by Buddy Holly's Peggy Sue. Tyler, Texas: TogiEntertainment.
- ↑ 11,0 11,1 11,2 Song artist 270 - Buddy Holly. tsort.org.
- ↑ Dutch Charts - Peggy Sue
- ↑ Dutch Charts - Peggy Sue
Bakgrunnsstoff
endre| 198: «Sweet Child o' Mine» Guns N' Roses |
Plassering på lista til Rolling Stone frå 2010 over dei 500 beste songane gjennom tidene 197 «Peggy Sue» Buddy Holly |
196: «There Goes My Baby» The Drifters |