Raudt

Denne artikkelen handlar om det norske politiske partiet. For fargen, sjå raud.

Raudt (R) er eit norsk sosialistisk parti. Partiet var stifta i 2007, etter at Arbeidaranes Kommunistparti (AKP) og Raud Valallianse (RV) var avvikla for å samle kreftene på ytste venstrefløy i Noreg i eit nytt politisk parti. Raud Ungdom heldt fram som ungdomsorganisasjonen til partiet Raudt.

Raudt
Land	Noreg
Partileiar(ar)	Marie Sneve Martinussen
Grunnlagt	11. mars 2007
Hovudkvarter	Oslo
Ungdomsorg.	Raud Ungdom
Donasjonar	4 994 795 norsk krone (2021)
Medlemstal	14 215 (31. desember 2022)
Ideologi	Revolusjonær sosialisme Økososialisme Feminisme Marxisme
Farge	Raudt
Slagord	«Fordi fellesskap fungerer»
Ordførarar	0 / 428
Kommunestyre- representantar	80 / 10 620
Fylkestings- representantar	10 / 777
Stortings- representantar	1 / 169

Marie Sneve Martinussen er konstituerande partileiar frå 2023. Charlotte Therkelsen er nestleiar. Reidar Strisland er partisekretær. Leiaren i Raud Ungdom er Liv Müller Smith-Sivertsen.

Ved stortingsvalet i 2017 vart leiaren i partiet, Bjørnar Moxnes, vald inn frå Oslo. Raudt fekk 2,4 prosent av stemmene på landsplan, mot 1,3 prosent i 2013. I Oslo fekk partiet 6,3 prosent, mot 3,2 prosent i 2013.

Politisk plattform

Raudt har kamp mot forskjells-Noreg som si hovudsak. Partiet er ei samanslåing av Raud Valallianse (RV) og Arbeidernes Kommunistparti (AKP). Raudt er eit revolusjonært, sosialistisk parti. Målet til partiet er å skapa eit samfunn utan utbytting og undertrykking, og som byggjer på rettferd og solidaritet.

Raudt har sin historiske ideologiske bakgrunn i marxismen og maoismen. Partiet kallar seg ikkje kommunistisk, slik forløparen AKP gjorde. Mange medlemar kjem òg frå andre politiske miljø og tradisjonar, mellom anna har den trotskistiske organisasjonen Internasjonale Sosialistar slutta seg til partiet.

Historie

I samband med skipinga av det nye partiet vart Raud Valallianse og Arbeidernes Kommunistparti lagde ned. Raud Ungdom held fram som ungdomsorganisasjonen til partiet. Det var 260 delegater til stades under skipingsmøtet på Håndverkeren i Oslo. Namnet «Raudt» vart valt med 128 stemmer mot 71. Andre framlegg til namn var Raudt Val og Solidaritet. Fram til oktober 2007 brukte partiet formelt namnet Raud Valallianse, på grunn av retningslinene i vallova.

Ved fylkestingsvalet i 2007 fekk RV/ Raudt 2,1 % av røystene, og gjorde sitt beste lokalval nokon gong sidan RV vart skipa. RV/ Raudt fekk i 2007 sin første ordførar i Risør kommune, der Knut Henning Thygesen vart vald i direkteval. Partiet har likevel ikkje slått gjennom på landsbasis i så stor grad som ein hadde håpa, trass i stor entusiasme rundt sjølve partidanninga og mange nye medlemar og sympatisørar. Det har vorte trekt fram fleire moglege årsaker til dette, mellom anna intern strid i partiet og den aukande blokkdanninga i rikspolitikken som følgja av det raudgrøne regjeringssamarbeidet. Ved stortingsvalet i 2009 oppnådde Raudt 1,3% av røystene. Dette var ein framgang frå dei siste vala, men stod likevel ikkje i stil med forventningane i partiet. Heller ikkje i Raudt sine satsingsfylke, Oslo og Hordaland, vart resultatet godt nok, og partiet fekk inkje stortingsmandat.

Partiet er frå 2017 for første gong representert på Stortinget, då partileiar Bjørnar Moxnes vart vald inn for Oslo. Dei har representantar i fleire fylkesting og kommunestyre. Partiet har ingen ordførarar, men fire varaordførarar.

Valhistorikk

Stortingsvalresultat 2009–2017 Årstal Prosent av røystene Mandat 2009 1,3 % 0 / 169 2013 1,1 % 0 / 169 2017 2,4 % 1 / 169

Kommunevalresultat 2007–2015 Årstal Prosent av røystene 2007 1,9 % 2011 1,5 % 2015 2,0 %

Fylkestingsvalresultat 2007–2015 Årstal Prosent av røystene 2007 2,1 % 2011 1,7 % 2015 2,2 %

Leiing

Torstein Dahle var siste leiar RV og den første i Raudt. Her er Dahle på stand for Raudt under Stortingsvalet 2009.

Partileiarar

• 2007–2010 Torstein Dahle
• 2010–2012 Turid Thomassen
• 2012–2023 Bjørnar Moxnes
• 2023– Marie Sneve Martinussen (konstituert)

Bakgrunnsstoff

• Offisiell nettstad