Robert Heffernan
Robert Heffernan (fødd 28. februar 1978) er ein ein irsk friidrettsutøvar frå Cork som vart verdsmeister på 50 km kappgang ved verdsmeisterskapen 2013 i Moskva, etter tidlegare å ha vunne EM-bronse på 20 km i 2010 og OL-bronse på 50 km i 2012.
| Robert Heffernan | |
|
| |
| Statsborgarskap | Irland |
| Fødd | 28. februar 1978 (46 år) Cork |
| Idrett | friidrett |
| Tok del i | Sommar-OL 2008, Sommar-OL 2012, Sommar-OL 2004, Sommar-OL 2000, Friidrett under Sommar-OL 2016 |
Heffernan deltok i dei store internasjonale meisterskapane på 20 km frå OL 2000, men det var fyrst i 2010 han makta gå inn til medalje. Under EM 2010 i Barcelona fekk han bronsemedaljen på 20 km, men fyrst etter at vinnaren av tevlinga, Stanislav Jemeljanov frå Russland, var diskvalifisert. Ei veke etter gjekk Heffernan inn til fjerdeplass på 50 km. Ved Sommar-OL 2012 i London kom han i mål som fjerdemann på irsk rekordtid 3.37.54, men etter at vinnaren Sergej Kirdjapkin i 2016 fekk annullert si gullmedalje, rykte Heffernan opp på bronseplassen.
Høgdepunktet for Heffernan kom under verdsmeisterskapen 2013 i Moskva. Her kryssa han mållinja som fyrstemann etter 3.37.56 tids gange og kunne stige øvst på sigerspallen.
Medaljar og plasseringar i internasjonale meisterskap
endre- OL 2000 i Sydney: Nr 28 på 20 km – 1.26.04
- VM 2001 i Edmonton: Nr 14 på 20 km – 1.25.02
- EM 2002 i München: Nr 8 på 20 km – 1.21.10
- OL 2004 i Aten: Diskvalifisert på 20 km
- VM 2005 i Helsinki: Diskvalifisert på 20 km
- VM 2007 i Osaka: Nr 5 på 20 km – 1.23.42
- OL 2008 i Beijing: Nr 8 på 20 km – 1.20.36
- VM 2009 i Berlin: Nr 15 på 20 km – 1.22.09
- EM 2010 i Barcelona: Bronsemedalje på 20 km – 1.21.00. Nr 4 på 50 km – 3.45.30
- OL 2012 i London: Bronsemedalje på 50 km – 3.37.54. Nr 9 på 20 km – 1.20.18
- VM 2013 i Moskva: Gullmedalje på 50 km – 3.37.56, framom Mikhail Ryzjov (3.38.58)
- VM 2015 i Beijing: Nr 5 på 50 km – 3.44,17
- OL 2016 i Rio de Janeiro: Nr 6 på 50 km – 3.43.55
Kjelder
endre- Denne artikkelen bygger på «Robert Heffernan» frå Wikipedia på engelsk, den 7. august 2018.
- «Robbie Heffernan» (på engelsk). Olympedia. Henta 14. mars 2023.