Shikoku
Shikoku (四国 Shikoku) er den minste av dei fire hovudøyane i Japan, både når det gjeld areal og folketal. Ho ligg sør for Honshu og aust for Kyushu, med Setosjøen imellom. I sør har ho kyst mot Stillehavet. Ho er også ein tradisjonell japansk region, og omfattar prefektura Ehime, Kagawa, Kochi og Tokushima. Den største byen på øya er Matsuyama, so har rundt ein halv million innbyggjarar. I 2015 budde det rundt 3,8 millionar menneske på øya.
| Shikoku 四国 | |||
| region | |||
 | |||
| Land |  Japan
| ||
|---|---|---|---|
| Del av | Japan-arkipelet, de fire hovedøyene | ||
| Høgd | 1 982 m | ||
| Areal | 18 297,32 km² | ||
| Folketal | 3 845 534 (2015) | ||
 Shikoku 33°45′N 133°30′E / 33.75°N 133.5°E | |||
 Kart som viser Shikoku.
| |||
| Wikimedia Commons: Shikoku | |||
«Shikoku» tyder 'fire provinsar', og viser til dei fire tidlegare provinsane ho var delt inn i, Awa, Tosa, Sanuki og Iyo. Tidlegare namn på øya er Iyo-no-futana-shima (伊予之二名島), Iyo-shima (伊予島) og Futana-shima (二名島).
Shikoku er berglendt og har mykje skog. Det blir drive terassejordbruk i fjellskråningane, og ein dyrkar mellom anna ris, kveite, tobakk, soyabønner og mandarinar her. Det blir også drive fiske og saltutvinning.
Øya har fleire brusamband med Honshu, mellom anna verdas største hengebru, Akashi Kaikyo-brua, Minami Bisan–Seto-brua og Tatara-brua.
Kjelder
endre- Denne artikkelen bygger på «Shikoku» frå Wikipedia på engelsk, den 3. mai 2011.
- «Shikoku» i Store norske leksikon, snl.no.
