Slaget ved Emsdorf

Slaget ved Emsdorf vart utkjempa 14. juli 1760 under sjuårskrigen i Emsdorf i dagens Hessen i Tyskland, mellom allierte styrkar frå Storbritannia, Hannover og Hessen under prinsen av Hessen-Kassel, mot tyske troppar i fransk teneste under Marechal de Camp Glaubitz. Det var ein del av felttoget for å forstyrre den franske kommunikasjonslinja ved å erobra Marburg, som var eit fransk forsyningslager.

Slaget ved Emsdorf
Del av sjuårskrigen
Dato 14. juli 1760 Stad Emsdorf i Hessen (dagens Tyskland) Resultat Alliert siger
Partar
Storbritannia Hannover Hessen-Kassel	Frankrike
Kommandantar
Karl Vilhelm Ferdinand, prins av Hessen-Kassel	marskalk Glaubitz
Styrkar
3000	3000
Tap
186	2600

Sjuårskrigen: Europa

Menorca – Lobositz – Reichenberg – Praha – Kolín – Hastenbeck – Gross-Jägersdorf – Moys – Rochefort – Rossbach – Breslau – Leuthen – Rheinberg – Krefeld – Domstadtl – Cherbourg – Zorndorf – Saint Cast – Tornow – Lutterberg – Hochkirch – Bergen – Kay – Minden – Kunersdorf – Hoyerswerda – Frisches Haff – Maxen – Meissen – Landeshut – Korbach – Emsdorf – Warburg – Liegnitz – Kloster Kampen – Torgau – Villinghausen – Kolberg – Wilhelmstahl – Burkersdorf – Lutterberg – Almeida – Kassel – Freiberg

Dei allierte styrkane bestod av seks infanteribataljonar frå Hannover og Hessen, nokre jegerar frå Hannover, hussarane til Luckner og britiske dragonar. Den franske styrken bestod av fem infanteribataljonar frå tyske Anhalt, eit husarregiment og nokre lette troppar.

Dei allierte styrkane overraska i starten den franske leiren, medan dei åt lunsj. Dei franske husarane flykta i starten, medan to infanteribataljonar klarte å kome i stilling før dei mottok tett eld frå dei hessiske bataljonane. Glaubitz sende ein bataljonar tilbake til Marburg, medan han prøvde å trekkje seg tilbake til Kirchhain med resten av styrken. Dei fleste fluktvegane vart avskorne av Luckner og dei lette troppane. Dei allierte fanga til slutt 1650 soldatar.

Resultatet vart ein alliert siger, hovudsakleg på grunn av dei britiske lettdragonane, som tok store tap og mista 125 av dei totalt 186 tapte soldatane. Dei klarte derimot ikkje å erobre Marburg, som var målet.

Kjelder

• Denne artikkelen bygger på «Battle of Emsdorf» frå Wikipedia på engelsk, den 10. januar 2010.
  • Wikipedia på engelsk oppgav desse kjeldene:

Bakgrunnsstoff

• Slaget ved Emsdorf på www.britishbattles.com