Tie Your Mother Down
| Tie Your Mother Down Singel av Queen frå albumet A Day at the Races | ||
| B-side |
«You and I» | |
|---|---|---|
| Språk | engelsk | |
| Utgjeve | 4. mars 1977 | |
| Innspelt | 1976 | |
| Sjanger | Hardrock, heavy metal | |
| Lengd | 3:45 (singel) 4:48 (album) | |
| Selskap | EMI (UK) Elektra (US) | |
| Komponist | Brian May | |
| Tekstforfattar | Brian May | |
| Låtskrivar(ar) | Brian May | |
| Produsent | Queen | |
| Queen-kronologi | ||
| «Somebody to Love» (1976) |
Tie Your Mother Down | «Teo Torriatte (Let Us Cling Together)» (1977)
|
«Tie Your Mother Down» er ein song av det britiske rockebandet Queen, skriven av gitaristen Brian May. Han er opningssongen og den andre singelen frå albumet A Day at the Races frå 1976. Singelen kom ut i 1977 og nådde 31. plassen på den britiske singellista. Meir enn 20 år seinare vart han gjeven ut som ei dobbel A-side med «No-One But You (Only the Good Die Young)», då han nådde 13. plassen. På albumet starta songen med ein minutt lang instrumental, som kjem att på slutten av «Teo Torriatte». Dette var meint å skape ein «sirkel» på albumet, som til dømes på album av Pink Floyd.
Etter songen kom ut i 1976 spelte Queen han på kvar einaste turné.[1] Under Freddie Mercury Tribute Concert i 1992, vart songen spelt av Queen i lag med Joe Elliot og Slash.[2] Ved fleire høve i nyare år har Brian May og Roger Taylor spelte songen live med Foo Fighters, mellom anna då Queen vart innlemma i Rock and Roll Hall of Fame i 2001 og under VH1 Rock Honors i 2006.
Historie
endreBrian May byrja å skrive songen på Tenerife, medan han arbeidde på doktorgraden sin som astronom. Han skreiv riffet på ein spansk gitar og vakna opp ein morgon og spelte songen med han song «tie your mother down,» ei linje han rekna som ein spøk. Vokalisten Freddie Mercury likte linja og ønskte å behalde ho. «Tie Your Mother Down» opnar med eit tungt gitarriff av Brian May.[3]
Det vart laga ein musikkvideo til songen, regissert av Bruce Gowers, basert på eit konsertopptak i Nassau Coliseum på Long Island i New York i februar 1977 under den amerikanske turneen til bandet.[4]
Sjølv om songen lenge har vore ein konsertfavoritt og favoritt på amerikansk FM_radio, gjorde ikkje songen det så godt på salslistene. Han nådde 31. plassen i Storbritannia og 49. plassen i USA. Songen vart derfor berre gjeve ut i somme område på Greatest Hits, men songen er med på samlealbumet Queen Rocks, i lag med somme av dei tyngste songane til bandet.[5]
I eit hyllestprogram på BBC Radio 4 til Rory Gallagher, sa May at hovudinspirasjonen til riffet kom frå Taste-songen «Morning Sun» frå albumet On the Boards (1970). Riffet er òg ganske likt vers-riffet frå T.Rex-songen «Funky London Childhood», frå albumet Prince of Players (The Alternate Dandy in the Underworld) frå 1976.
Lister
endre| Liste (1977) | Plassering |
|---|---|
| Den austerrikske singellista | 47 |
| Nederlandsk Topp 40 | 10 |
| UK Singles Chart | 31 |
| US Billboard Hot 100 | 47 |
| Liste (1998) | Plassering |
|---|---|
| Nederlandsk Topp 40 | 33 |
| Den tyske singellista | 75 |
| UK Singles Chart | 13 |
Medverkande
endreKonsertversjonar
endreEtter songen kom ut i 1976, vart «Tie Your Mother Down» den songen som oftast opna konsertane til Queen.[1][3] Under Freddie Mercury Tribute Concert vart songen framført av Queen i lag med Def Leppard-songaren Joe Elliott og Guns N' Roses-gitaristen Slash.[2] May song første verset og refrenget før Elliot tok over.[2] Ved fleire høve har May og Roger Taylor framført songen i lag med Foo Fighters.[6][7][8] Den 5. september 2011 framførte Jeff Beck songen i lag med May og Taylor i ei feiring av det som ville ha vore 65-årsdagen til Freddie Mercury. Hendinga vart kalla 'Freddie for a Day' og vart feira på Savoy Hotel i London.[9]
Konsertopptak
endre- Live Killers (1979)
- We Will Rock You/Queen Rock Montreal (1981)
- Queen on Fire - Live at the Bowl (1982)
- Live at Wembley '86/Live at Wembley Stadium (1986)
- Live Magic (1986)
- Seville Expo 92 Concert (1992)
- The Freddie Mercury Tribute Concert (1992)
- Live at the Brixton Academy (1993)
- Return of the Champions (2005)
- Super Live in Japan (2005)
- Skin and Bones (Foo Fighters album/DVD, on the Hyde Park DVD) (2006)
- Live in Ukraine (2008)
Andre versjonar
endre- Foo Fighters med Brian May og Roger Taylor - Skin and Bones
- L.A. Guns - Rips the Covers Off
- Lemmy Kilmister og Ted Nugent - Dragon Attack: A Tribute to Queen (1997)
- Lynch Mob - Lynch Mob
- Shinedown - Killer Queen: A Tribute to Queen
- Warrant - Under the Influence
- Adrenaline Mob -Dearly Departed
- Kerry Ellis & Brian May (i lag på turneen deira)
Kjelder
endre- Denne artikkelen bygger på «Tie Your Mother Down» frå Wikipedia på engelsk, den 22. juni 2016.
- Wikipedia på engelsk oppgav desse kjeldene:
- ↑ 1,0 1,1 Queen on tour Queen Concerts. Henta 10. juni 2016
- ↑ 2,0 2,1 2,2 The Freddie Mercury Tribute Concert: Tie Your Mother Down Henta 10. juni 2016
- ↑ 3,0 3,1 Tie Your Mother Down Allmusic. Henta 10. juni 2016
- ↑ 1977 A Day At The Races North American Tour Ultimate Queen. Henta 10. juni 2016
- ↑ Queen Rocks, Vol. 1 Allmusic. Henta 10. juni 2016
- ↑ Foo Fighters joined by Queen legends NME. Henta 10. juni 2016
- ↑ Foos play biggest ever gig The Sun. Henta 30. august 2011
- ↑ Queen & Foo Fighters «We Will Rock You/We Are The Champions» Live at Rock Honors 2006 Arkivert 2014-07-01 ved Wayback Machine. VH1. Henta 27. mai 2011
- ↑ «Freddie Party - Savoy Set List". Queen Online. Henta 19. juli 2012