Trebbia

Trebbia er ei elv i Liguria og Emilia Romagna i Italia. Elva er ei av dei fire viktigaste sideelvane til Po frå høgre. Dei tre andre er Tanaro, Secchia og Panaro. Nedslagsfeltet dekkjer 1 150 km² og er delt mellom Emilia Romagna, Liguria og Lombardia. Dei største sideelvane er Aveto og Perino frå høgre og Boreca frå venstre.

Trebbia
elv
Land	Italia
Nedslagsfelt	1 150 km²
Lengd	105 km
Middelvassføring	40 m³/s
Kjelde	Monte Prelà
•  høgd	1 406 moh.
Munning	Po
Trebbia 45.072075°N 9.6851666666667°E / 45.072075; 9.6851666666667
Wikimedia Commons: Trebbia

Elva spring ut frå Dei liguriske Appenninane ved åsen Monte Prelà, sør for Monte Antola i kommunen Torriglia i provinsen Genova. Frå her renn ho nordaustover i 105 km før ho munnar ut i Po vest for Piacenza.

Ponte Gobbo («Pukkelbrua») er ei Djevelbru som strekkjer seg over elva ved Bobbio.

Trebbiadalen i juli, eit par kilometer oppfor Bobbio.

Dei største busetnadane elva renn igjennom før Piacenza er Ottone, Marsaglia (i kommunen Corte Brugnatella), Bobbio, Perino (ein del av Coli), Travo og Rivergaro.

Mellom kjelda og Bobbio renn elva gjennom Val Trebbia, som vert rekna for ein svært vakker dal som trekkjer til seg mange turistar. Elvedalen vidar seg så ut før ho endar opp på Posletta etter Rivergaro.

På austbreidda vart det utkjempa eit slag under den andre punarkrigen i 218 f.Kr., slaget ved Trebbia, der Hannibal slo ein romersk kosulhær.

Bakgrunnsstoff

Wikimedia Commons har multimedia som gjeld: Trebbia

Kjelder

• Denne artikkelen er basert på ei omsetjing av artikkelen Trebbia frå Engelsk Wikipedia .