Vardal
Vardal er ein tidlegare sjølvstendig kommune i Oppland fylke oppretta som Vardal formannskapsdistrikt i 1837.
1. januar 1861 vart Gjøvik skilt ut frå Vardal som eigen kommune og kjøpstad.[1] Vardal hadde etter delinga 4 114 innbyggjarar, Gjøvik 626.[2]
1. januar 1896 vart ein del av Østre Toten kommune med 49 innbyggjarar overført til Vardal.[2]
1. januar 1900 vart ein ubygd del av Søndre Land kommune overført til Vardal.[2]
1. juli 1921 vart ein del av Vardal med 723 innbyggjarar overført til Gjøvik og på same dato i 1955 vart enno ein del med 1 372 innbyggjarar overført til Gjøvik.[2]
1. januar 1964 vart det meste av Vardal (unntatt Sørligrenda), Biri, Gjøvik og Snertingdal kommunar slegne saman til den nye Gjøvik kommune.[1] Den delen av Vardal som gjekk inn i Gjøvik hadde 9 612 innbyggjarar.[2]
Sørligrenda i Vardal vart slegen saman med Eina, ein del av Gran kommune og Vestre Toten til den nye Vestre Toten kommune. Ved samanslåinga hadde Sørligrenda 87 innbyggjarar.[2]
Referansar
endre- ↑ 1,0 1,1 Kristian Gleditsch (1964). «Vardal». I Arnulv Sudmann. Norsk allkunnebok. 10. bandet. Oslo: Fonna. s. 965.
- ↑ 2,0 2,1 2,2 2,3 2,4 2,5 Dag Juvkam. ««Historisk oversikt over endringer i kommune- og fylkesinndelingen» s. 20-22» (PDF). Statistisk sentralbyrå, 1999.
Bakgrunnsstoff
endre- T. Lauvdal, red. (1933). Vardal bygdebok. 4 4:1. Gjøvik: Eige forlag.
- T. Lauvdal, red. (1933). Vardal bygdebok. 4 4:4. Gjøvik: Eige forlag.
- Teleslekt, red. (1997). Folketellingen 3.12.1900 for 527 Vardal. Mo i Rana: Teleslekt NBR. ISBN 8277936818.
- P. Blom (1889). Beskrivelse over Vardal prestegjeld før og nu. Gjøvik: Gjøvik historielag.
- Ingunn Holm (1995). Trekk av Vardals agrare historie. Oslo: Universitetets oldsaksamling. ISBN 8271811223.