Werner Günthör
Werner Günthör (fødd 1. juni 1961) er ein sveitsisk tidlegare friidrettsutøvar frå Uttwil. Han vart europameister i kulestøyt i 1986, og vann så tre strake VM-gull i same øvinga i perioden 1987-93. I 1988 fekk han bronsemedaljen under sommar-OL.
| Werner Günthör | |
| Statsborgarskap | Sveits |
| Fødd | 1. juni 1961 (63 år) Uttwil |
| Idrett | friidrett, bobsleigh |
| Tok del i | Sommar-OL 1992, Sommar-OL 1988, Sommar-OL 1984 |
| Utmerkingar | Årets idrettsutøvar i Sveits |
Aktiv
endreGünthör slo gjennom i 1986-sesongen. Under europameisterskapen 1986 i Stuttgart stod kampen om gullmedaljen mellom Günthör og austtyske Ulf Timmermann, dei hine kulestøytarane var ikkje nærleiken av deira lengder. Günthör sikra seg gullmedaljen då han sette sveitsisk rekord med 22,22 m, Timmermann stoppa på 21.84 m. Året etter vart Günthör verdsmeister med eit støyt som målte 22,23 m, dermed slo han den ferske verdsrekordhaldaren, Alessandro Andrei frå Italia, med 23 cm.
I august 1988 gjorde Günthör i Bern sitt livs lengste kulestøyt, og sette sveitsisk rekord med 22,75 meter. Under sommar-OL 1988 i Seoul landa kula til Günthör på 21,99 m, noko som gav han ein bronsemedalje. Både olympiameister Timmermann og Randy Barnes frå USA presterte på ei høgre nivå med sine 22,47 m og 22,39 m.
I 1991 forsvarte Günthör VM-tittelen i Tokyo, i ei kuletevling der han var utan reell konkurranse. Med 21,67 meter som lengst slo han sølvmedaljøren, norske Lars Arvid Nilsen, med 92 centimeter. Etter si svakaste meisterskapstevling på åtte år, hamna Günthör på fjerdeplass under sommarleikane i Barcelona i 1992.
Under friidretts-VM 1993 vann Günthör sin tredje rake VM-tittel i kulestøyt.
Medaljar og plasseringar i internasjonale meisterskap
endre- VM 1983 i Helsingfors: Utslått i kvalifiseringa (19,18 m - nr 15)
- OL 1984 i Los Angeles: Nr 5 – 20,28 m
- EM 1986 i Stuttgart: Gullmedalje – 22,22 m, framom Ulf Timmermann (21,84 m)
- VM 1987 i Roma: Gullmedalje – 22,23 m, framom Alessandro Andrei (21,88 m)
- OL 1988 i Seoul: Bronsemedalje – 21,99 m
- VM 1991 i Tokyo: Gullmedalje – 21,67 m, framom Lars Arvid Nilsen (20,75 m)
- OL 1992 i Barcelona: Nr 4 – 20,91 m, bakom Vjatsjeslav Lykho (20,94 m)
- VM 1993 i Stuttgart: Gullmedalje – 21,97 m, framom Randy Barnes (21,80 m)
Kjelder
endre- Denne artikkelen bygger på «Werner Günthör» frå Wikipedia på tysk, den 6. oktober 2014.
Bakgrunnsstoff
endre- «Werner Günthör» (på engelsk). olympedia.org. Henta 19. februar 2023.