Adriaen Brouwer
Adriaen Brouwer (1605–januar 1638) var ein flamsk sjangermålar som var aktiv i Flandern og Dei sameinte Nederlanda under stilperioden barokken. Han er særleg kjend for sine motiv frå det samtidige bondelivet.
| Adriaen Brouwer | |
 Anthonis van Dyck: Adriaen Brouwer | |
| Statsborgarskap | De sørlige Nederlandene |
| Fødd | 1605, 1603 Oudenaarde |
| Død |
1638, januar 1638 (34 år) |
| Yrke | kunstmålar, grafikar, bygningstegner, biletkunstnar |
| Sjanger | sjangermåleri, landskapsmåleri, portrett |
| Medlem av | Antwerpen Sankt Lukas Gilde |
| Adriaen Brouwer på Commons | |
Liv og gjerning
endre
Brouwer var fødd i Oudenaarde. I unge år flytta han til Haarlem, truleg via Antwerpen, der han var elev av Frans Hals, samstundes med Adriaen van Ostade. Han var også aktiv med framføring av skodespel og poesi. Fram til 1631 budde han i Haarlem og Amsterdam, deretter flytta han tilbake til Antwerpen i dei spanske Nederlanda. Frå 1631-32 var han medlem av Sint-Lucasgildet i byen, og av diktarlauget kalla De Violieren.
Tradisjonen vil ha det til at Brouwer brukte mykje av tida si i ølstovene i Flandern og Holland. Dei fleste arbeida hans er detaljerte og små. Ofte med drankarar, rangelliv og dumskap som tema i søkinga etter menneskelege kjensler og uttrykk, samt utslag av smerte, frykt og andre sanselege opplevingar. Den bitre drykken er eit døme på eit verk som skildrar slike reaksjonar, i dette tilfellet på smakssansen. Arbeida hans var populære, så mykje at forfalskingar var i sal allereie medan han levde. Både Peter Paul Rubens og Rembrandt eigde fleire av arbeida hans. Trass i omfattande interesse for måleria hans, synest det som om Brouwer livet gjennom hadde økonomiske vanskar.
32 år gammal døydde han i Antwerpen i ein pest. Han vart fyrst gravlagd i ei folkegrav, men etter pådriv frå medlemer av målarlauget vart han gravlagd på nytt den 1. februar 1638 i karmelitt-kyrkja i byen.
Kjelder
endre- Denne artikkelen bygger på «Adriaen Brouwer» frå Wikipedia på engelsk, den 29. mai 2012.
