Amazon.com

	Amazon.com
	;
	;
Org.form	Børsnotert selskap
Bransje	Detaljhandel, nett-teneste
Skipa	5. juli 1994
Eigar	Jeff Bezos, BlackRock
Dotterselskap	IMDb.com, Inc., Amazon Books, Amazon MGM Studios, Box Office Mojo, Amazon Logistics, MGM Holdings
Eigenandel i	Amazon Music, Amazon Books, Amazon Kindle
Hovudkontor	Seattle, Washington
Land	USA
Produkt	Amazon Echo, Amazon Prime, Amazon Prime Video, ComiXology, Amazon Web Services, Alexa Internet, Amazon Appstore, Amazon Kindle, Amazon S3, The Internet Movie Database, Shopbop, Amazon.com, Amazon Fire TV, Amazon Fresh
Grunnleggjar(ar)	Jeff Bezos
Styreleiar	Andy Jassy (juli 2021)
Adm.dir.	Jeff Bezos (mai 1996), Andy Jassy (6. juli 2021)
Salsinntekter	36 852 000 000 USA-dollar (2023)
Omsetnad	36 852 000 000 USA-dollar (2023)
Resultat	30 425 000 000 USA-dollar (2023)
Marknadsverdi	1 550 000 000 USA-dollar (18. februar 2022)
Nettstad	https://www.amazon.com/ (angloamerikansk)

Amazon.com, Inc. (NASDAQ:AMZN Arkivert 2008-04-15 ved Wayback Machine.) er eit IT-selskap i USA. Selskapet driv elektronisk handel over Internett, og eig Alexa Internet, a9.com og Internet Movie Database. Amazon.com blei grunnlagt av Jeff Bezos i 1995 og har hovudkvarter i Seattle i Washington. Butikken gjev alle varene sine eit ASIN-databasenummer på same måte som bøker får eit ISBN-nummer.

I november 2007 lanserte Amazon.com den elektroniske bok- og medielesaren Kindle med såkalla «elektronisk blekk».

Oppkjøp og underavdelingar

I 1998 kjøpte Amazon opp filmdatabasen Internet Movie Database (IMDb). Same året handla Amazon til seg nettverkstenesta PlanetAll og databaseverktøyet Junglee.com for aksjepostar i Amazon. Dei to aksjehandlane vart då verdsett til 280 millionar USD av talsmenn for selskapet.^[9] Ein del av PlanetAll sine tenester og programkode vart tatt inn i Amazon, mens PlanetAll i seg sjølv lagt ned.
I 1999 vart Alexela Internet, Accept.com og Exchange.com overført til Amazon gjennom ein serie av aksjeavtaler. På den tida vart aksjeavtalene verdisett til 645 millionar USD.
I 2003 kjøpte Amazon opp rivalen CD Now, ein annan nettbutikk.
I 2004 kjøpte Amazon Joyo.com, ein kinesisk netthandel. Underselskapet A9.com vart for første gong vist, eit selskap som driv med teknologiutvikling og leverer søketenester knytt til Amazon.
I 2005 fekk Amazon hand om Booksurge og kjøpte Mobipocket.com. og Createspace. Booksurge er eit selskap som trykker opp bøker på etterspørsel. Mobipocket er eit programvareselskap som mellom anna driv lesarar for elektroniske bøker, som eBook. CreateSpace er ein distributør som trykker opp DVDar etter førespurnad.^[10] Create var tidlegare kjend som CustomFlix. Det er no ein del bøker, dvd-ar og videoar som blir seld gjennom nedlasting av dette selskapet, mellom anna ifrå det amerikanske nasjonalarkivet.^[11]