Aslaug Vaa
Aslaug Vaa (25. august 1889–28. november 1965) var ein norsk lyrikar og dramatikar.
| Aslaug Vaa | |
 | |
| Statsborgarskap | Noreg |
| Fødd | 25. august 1889 Vinje kommune |
| Død |
28. november 1965 (76 år) |
| Yrke | lyrikar, skribent |
| Ektefelle | Ola Raknes |
| Born | Magli Elster, Anne Raknes, Tora Raknes |
| Aslaug Vaa på Commons | |
Bakgrunn
endreAslaug Vaa var fødd på fjellgarden Nystog i Rauland i noverande Vinje kommune i Telemark som dotter av Tor Aanundsson Vaa (1864–1928) og Anne Marie Roholt (1866–1947).[1] Då ho var fire år gammal flytta familien til Kviteseid der ho vart buande fram til studietida. Ho var syster til bilethoggaren og målaren Dyre Vaa. Gjennom oldemora Signe Jore var ho tremenning til Eivind Groven og Tarjei Vesaas.
Vaa studerte fransk litteratur og kunsthistorie ved universitet i Paris og teaterhistorie ved universitetet i Berlin. Etterpå arbeidde ho ei tid som lærar og journalist.
Alsaug Vaa var gift med psykologen og filologen Ola Raknes frå 1911 til 1938.[1] Ho var mor til bilethoggaren Anne Raknes og lyrikaren Magli Elster, og mormor til Jon Elster.
Forfattarskap
endreVaa debuterte som lyrikar i 1934, 45 år gammal. Den fyrste samlinga heitte Nord i leite. Ho skreiv også skodespel og omsette bøker til nynorsk, blant anna Jungel-boki.
For den omsetjinga fekk ho Melsom-prisen i 1935. Ho fekk kunstnarløn frå 1955.
Tolkingar
endreI 2001 framførte Odd Nordstoga og Øyonn Groven Myhren tingingsverket Nivelkinn bygd på Aslaug Vaa sin diktsyklus av same namn frå Nord i leite på Telemarksfestivalen. Oppføringa vart teken opp og gitt ut på plate, og vann Spellemannprisen 2002.
Bibliografi
endre- 1934 Nord i leite, lyrikksamling
- 1935 Skuggen og strendan, lyrikksamling
- 1936 Villarkonn, lyrikksamling
- 1938 Steinguden, skodespel
- 1939 På vegakanten, lyrikksamling
- 1947 Fotefár, lyrikksamling
- 1947 Tjugendagen, skodespel
- 1954 Skjenkarsveinens visur, lyrikksamling
- 1963 Bustader, lyrikksamling
- 1964 Dikt i utval, lyrikksamling
- 1965 Honningfuglen og leoparden, skodespel
- 1966 Munkeklokka, skodespel
- 1989 Dikt i samling
- 1999 Og ordet var..., etterlatne dikt
Kjelder
endre- ↑ 1,0 1,1 Rottem, Øystein (28. september 2014). «Aslaug Vaa». Norsk biografisk leksikon (på norsk).
Bakgrunnsstoff
endre- En lyriker - et tema: Aslaug Vaa NRK-program med Aslaug Vaa frå 1964
- «Det lydde eit bod – Om Aslaug Vaa og diktinga hennar» av Leif Mæhle
- «Bygda og verda» av Leif Mæhle i Dag og Tid Arkivert 2020-02-26 ved Wayback Machine. (redigert utdrag av artikkelen ovanfor)
- Aslaug Vaa av Leif Mæhle i Norsk biografisk leksikon 1. utg
- Aslaug Vaa av Sigrid Bø Grønstøl på Allkunne
- Digitaliserte bøker av Aslaug Vaa hjå Nasjonalbiblioteket: med namnet Aslaug Raknes, med namnet Aslaug Vaa