Breiøyre
Breiøyre (Barbastella barbastellus) er ei flaggermus i glattnasefamilien. Flaggermusa lever i Europa, frå Portugal i vest til Kaukasus i aust og nord til Sør-Skandinavia, dessutan i Marokko.
| Breiøyre | |
 Breiøyre | |
| Utbreiing og status | |
Status i verda:  Nær trugaStatus i Noreg:  Kritisk truga[1] Utbreiinga av breiøyre | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Pattedyr Mammalia |
| Orden: | Flaggermus Chiroptera |
| Familie: | Glattnasefamilien Vespertilionidae |
| Slekt: | Barbastella |
| Art: | Breiøyre B. barbastellus |
| Vitskapleg namn | |
| Barbastella barbastellus | |
Flaggermusa er ganske sjeldan i det meste av utbreiingsområdet. Ho lever helst i gammal skog, ein landskapstype som det vert mindre av. Breiøyre er difor rekna som nær truga på verdsbasis. Eit lyspunkt er at bestanden i Tyskland har vore i vekst etter reduksjon i bruk av insektmiddel der.[2] Breiøyre er ein lite mobil flaggermusart, som ikkje vandrar langt. I Noreg var det ingen funn av arten mellom 1949 og 2008. Då vart det funnen eit individ i dvale i Larvik.[3] Arten har seinare vore registrert der fleire gonger.[4] Breiøyre er rekna som kritisk truga i Noreg og sterkt truga i Sverige.[1]
Fotnotar
endre- ↑ 1,0 1,1 Eldegard K, Syvertsen PO, Bjørge A, Kovacs K, Støen O-G og van der Kooij J (24. november 2021). «Pattedyr: Vurdering av bredøre Barbastella barbastellus for Norge. Norsk rødliste for arter 2021.». Artsdatabanken. Henta 11. mars 2022.
- ↑ The IUCN Red List of Threatened Species på engelsk
- ↑ Flåten, M. & Røed, T. (2007 (utgitt 2008)). Bredøreflaggermusa Barbastella barbastellus ikke utdødd likevel!. Fauna 60 (3-4): 142-144.
- ↑ «Artsdatabankens artsopplysningar». Artsdatabanken. 11. mars 2022. Henta 11. mars 2022.
Kjelder
endre- The IUCN Red List of Threatened Species på engelsk
