Bundesliga
Bundesliga er den øvste fotballdivisjonen i Tyskland og tidlegare Vest-Tyskland. Den klassiske avsparkstida er kl. 15.30 på laurdagar. Bundesligaen vart oppretta i 1963, og har gjennomgått fleire endringar opp gjennom tidene, heilt fram til i dag.
| Bundesliga | |
|---|---|
| Land |  Tyskland
|
| Region | UEFA |
| Forbund | DFB |
| Grunnlagt | 1963 |
| Nedrykk til | 2. Bundesliga |
| Nasjonal cup | DFB-Pokal |
Før Bundesliga vart oppretta, spelte laga i regionale seriar. Vinnarane (og nokre gonger nestvinnarane) møttes så i eit sluttspel etter cup-system, med ein seriefinale for å avgjere seriemeisterskapen.
Oversyn
endreBundesligaen er delt opp i to divisjonar, Første Bundesliga og Andre Bundesliga. Første Bundesliga blir som regel berre kalla Bundesliga, medan nummer to blir kalla 2. Bundesliga, eller Zweite Bundesliga for å skilje dei to divisjonane. Det er desse to divisjonane som blir rekna som Tysklands profesjonelle fotballseriar, medan dei lågare divisjonane blir rekna som amatørligaer. Dei lågare divisjonane er i stadig vekst, og det er særleg den tredje høgaste, Regionalliga, som er i ferd med å nå eit profesjonelt nivå.
Dei to første åra hadde Bundesliga 16 klubbar. Etter det har serien hatt 18 klubbar, med unntak av sesongen 1991/92, då Bundesliga vart utvida til 20 klubbar fordi klubbane frå det tidlegare DDR vart med i det alltyske seriesystemet.
Til og med sesongen 1973/74 besto nivå to av fleire ulike Regionalligar. I 1974 vart andre Bundesliga oppretta, i to avdelingar (Nord og Süd). Andre Bundesliga vart samla til ein nasjonal divisjon i 1981. I 1991/92-sesongen vart andre Bundesliga igjen utvida til to avdelingar for ein sesong, då dei to beste klubbane frå Oberliga i DDR fekk plass i første Bundesliga, medan dei seks nest beste klubbane i DDR kom inn i andre Bundesliga.
Toppscorarar i Bundesliga gjennom tidene
endre- Gerd Müller (Bayern München) 365
- Klaus Fischer (Schalke 04) 268
- Jupp Heynckes (Borussia Mönchengladbach) 220
- Manfred Burgsmüller (Borussia Dortmund) 213
- Robert Lewandowski (Borussia Dortmund og Bayern München) 202
- Claudio Pizarro (Bayern München, Werder Bremen og FC Köln) 197
- Ulf Kirsten (Bayer Leverkusen) 182
- Stefan Kuntz (VfL Bochum) 179
- Dieter Müller (FC Köln) 177
- Klaus Allofs (FC Köln) 177
Rekordar
endre- Spelar med flest sjølvmål gjennom tidene: Tyskland Manfred Kaltz,
Nord-Makedonia Nikolče Noveski 6. - Yngste spelar : Tyskland Youssoufa Moukoko, 16 år og 1 dag gammal
- Yngste spelar som har scora i Bundeliga: Tyskland Youssoufa Moukoko, 17 år og 28 dagar gammal
- Spelar med flest raude kort gjennom tidene: Tyskland Jens Nowotny, 8
- Spelar med flest mål scora på straffespark: Tyskland Manfred Kaltz, 53
Nordmenn med flest scoringar i Bundesliga
endre(Inntil 27. januar 2021.)
| Plass | Navn | Mål |
|---|---|---|
| 1 | Jørn Andersen | 67* |
| 2 | Arne Larsen Økland | 43 |
| 3 | Mohammed "Moa" Abdellaoue | 30 |
| 4 | Erling Braut Håland | 20 |
| 5 | Anders Giske | 13 |
| 6 | Rune Bratseth | 12 |
| 7 | Jan Åge Fjørtoft | 14 |
| 8 | Håvard Flo | 5 |
| 9 | Kjetil Rekdal | 4 |
| 10 | Kai-Erik Herlovsen | 3 |
| 11 | Vidar Riseth | 3 |
| 12 | Håvard Nordtveit | 2 |
| 12 | Mathis Bolly | 2 |
| 13 | Einar Jan Aas | 1 |
| 13 | Tore Pedersen | 1 |
| 13 | Tommy Svindal Larsen | 1 |
| 13 | Hassan El Fakiri | 1 |
* Jørn Andersen vart tysk statsborgar i 1993.
Vinnarar av Bundesliga
endre| Klubb | Gonger |
|---|---|
| Bayern München | 32 |
| Borussia Mönchengladbach | 5 |
| Borussia Dortmund | 5 |
| Werder Bremen | 4 |
| Hamburger SV | 3 |
| VfB Stuttgart | 3 |
| FC Kaiserslautern | 2 |
| FC Köln | 2 |
| TSV 1860 München | 1 |
| FC Nürnberg | 1 |
| Eintracht Braunschweig | 1 |
| VfL Wolfsburg | 1 |
BFC Dynamo Berlin har gjort krav på å bli anerkjent som 10 gonger seriemeister i Tyskland. Dette kravet er ikkje blitt godtatt, sidan Dynamo Berlins seriemeisterskap var i DDR, og mykje også tyder på at mange av kampane på 1980-talet var fiksa. Sjå Oberliga DDR.
Kjelder
endre- Denne artikkelen bygger på «Bundesliga» frå Wikipedia på bokmål, den 12. august 2013.