DOSAAF

DOSAAF (russisk skrift ДОСААФ), fullt namn 'Frivilljug samarbeid med Hæren, Luftforsvaret og Marinen' (russisk Добровольное Общество Содействия Армии, Авиации и Флоту) er ein paramilitær sportsorganisasjon i Russland. Organisasjonen er ført og fremst til for ungdomar som interesserer seg for våpen, bilar og luftfart. I 2017 var organisasjonen atter i vekst og vart leia av generaloberst Aleksandr Petrovitsj Kolmakov, som var sjef for Dei russiske luftlandestyrkane (VDV) frå 2003 til 2007.

Historie

Organisasjonen vart etablert i 1927 som OSOAVIAKhIM. Frå 1951 til 1991 bar han namnet eller forkortinga «DOSAAF».

Etter oppløysinga av Sovjetunionen vart organisasjonen omdøypt til 'Det russiske forsvarets idrett-tekniske organisasjon', forkorta til ROSTO (russisk Российская оборонная спортивно-техническая организация – РОСТО).

I desember 2009 vart likevel ROSTO attdøypt til DOSAAF Russland.

Organisasjon vart òg verande i nokre post-sovjetiske republikkar, til dømes Kviterussland, sjølv om desse brukar eit anna namn. I Ukraina, til dømes, er motstykket 'Samfunn av bistand til forsvaret av Ukraina'.

Det uttalte målet for samskipnaden er å få til «Patriotisk oppseding av folket og utarbeiding av moral til det å forsvara Moderlandet». Ein metode for å oppnå detta var utviklinga av paramilitær sport. På same tid er det òg ordinær idrett som vert støtta innanfor rama av DOSAAF sine fasilitetar som idrettshallar, stadion og symjebasseng.

Kjelder

Heimeside: www.dosaaf.ru

Bakgrunnsstoff

• «Osoaviakhim Spells Soviet Civil Defense». American Quarterly on the Soviet Union: 3–13. August 1941.  «Osoaviakhim Spells Soviet Civil Defense». American Quarterly on the Soviet Union: 3–13. August 1941. : 3–13 . August 1941.