Finistère

Finistère

Våpenskjoldet til Finistère
Plassering

Administrasjon
Departmentnummer:	29
Region:	Bretagne
Préfecture:	Quimper
Sous-préfectures:	Brest Châteaulin Morlaix
Arrondissement:	4
Kantonar:	54
Kommunar:	283
Président du conseil général:	Pierre Maille
Statistikk
Folketal	Rangering 24.
-1999	852 418
Folketettleik:	127/km²
Landareal¹:	6 733 km²

¹ Franske landdata, som ikkje tar med elvemunningar, innsjøar, vatn og isbrear større enn 1 km².

Finistère (Penn-ar-Bed på bretonsk) er eit departementet heilt nordvest i Frankrike. Departementet ligg i regionen Bretagne.

Historie

Finistère er eit av dei 83 opphavlege departementa som vart oppretta 4. mars 1790 under den franske revolusjonen. Det vart danna frå delar av den tidlegare provinsen Bretagne.

Namnet Finistère kjem frå det latinske Finis Terræ, som tyder «verdas ende». Dette må ikkje forvekslast med Kapp Finisterre i Spania.

Geografi

Departementet er i dag ein del av regionen Bretagne og grensar til departementa Morbihan og Côtes-d'Armor, i tillegg til Atlanterhavet i nord, sør og vest.

Finistère er det vestlegaste departementet i den europeiske delen av Frankrike, og det vestlegaste punktet er Pointe de Corsen.

Den største byen i Finistère er Brest. Andre store byar er Quimper, Morlaix, Carhaix og Douarnenez. Finistère inkluderer òg øya Ouessant.

Aber er fjordlikande viker på nordkysten og er eit karakteristisk trekk i landskapet.

Folkesetnad

Innbyggjarane i departementet vert på fransk kalla Finistériens.

Økonomi

Jordbruk, næringsmiddelindustri og forskjellige andre tilknytte industriar er dei viktigaste næringane i Finistère.

Mange av innbyggjarane i departementet er tilknytte militæret. Her ligg atomubåtbasen Ile Longue og flybasen i Lanvéoc-Poulmic, i tillegg til militærrelatert industri i Brest.

Roscoff har ferjesamband til Irland og Storbritannia.

Kultur

Finistère er det området i Frankrike der bretonsk språk står sterkast. Bretonske skular vert kalla Diwan, Divyezh og Dihun.

Bakgrunnsstoff

Wikimedia Commons har multimedia som gjeld: Finistère