H.P. Lovecraft
Howard Phillips Lovecraft (20. august 1890–15. mars 1937), kjend som H.P. Lovecraft, var ein amerikansk forfattar som skreiv grøssar, fantasy, science fiction, poesi og spesielt undersjangeren weird fiction. Han var særleg kjend for skrekkfantasiane sine.
| H.P. Lovecraft | |
 Howard Phillips Lovecraft i 1915 | |
| Statsborgarskap | USA |
| Fødd | 20. august 1890 Providence i Rhode Island i USA |
| Død | |
| Yrke | Forfattar |
| Sjanger | science fiction, fantasy, fabelprosa, grøss |
| Religion | ateisme |
| Far | Winfield Scott Lovecraft |
| Mor | Sarah Susan Phillips Lovecraft |
| Ektefelle | Sonia Greene |
| |
| H.P. Lovecraft på Commons | |
Liv
endreLovecraft voks opp hjå mora og tantene etter at faren døydde av syfilis. Her las han mykje, og vart inspirert av gresk mytologi og arabiske segner. Bestefar hans fortalde han òg ei rekkje eventyr av det meir skumle slaget, og desse sogene la grunnlaget for den fiksjonen han skapte som vaksen. Lovecraft leid av mange nervesamanbrot, og var mykje inne på institusjonar når han ikkje skreiv.
Verk
endreDet Lovecraft er mest kjend for er Cthulhu-mytologien, skapt i ei lang rekkje små noveller om menneske som råker ut for Dei gamle, eldgamle gudar som søv, og som helst ikkje skal vekkjast. Desse, meinte Lovecraft, hadde skulda for mange hendingar i verdsrommet og i menneskesoga. Mange meiner at han sjølv trudde på dette, og levde einsleg og innestengd på slutten av livet.
Det meste av verka hans vart trykte i undergrunnsblad, kalla pulp-magasin, som det var mange av på den tida. Han skreiv mykje i samarbeid med Robert E. Howard, som skapte sogene om barbaren Conan.
Lovecraft har hatt stor tyding for skrekk-litteraturen, teikneseriar, filmar og fjernsyn. Både Babylon 5 og Buffy the Vampire Slayer er inspirerte av verka hans. Elles er verka gjort om til rollespel, og bøkene hans vert lesne av mange i goth-miljøet verda over. Fleire av novellene er omsette til norsk.
Innflytelse på Lovecraft
endreLovecraft blei ofte inspirert av sine eigne mareritt. Han byrja å bli interessert tidleg i barndommen då bestefaren fortalde han grøssar-historier.
Norsk bibliografi
endre- Vanviddets fjell & Fargen bortenfor tid og rom. Omsatt av Cato Pellegrini. Oslo, 1995.
- Skrekken fra Dunwich og andre historier. Omsatt av Jens E. Røsåsen og Ragnar Askeland. Oslo, 1994.
- Makabre historier. I serien Verdens beste spøkelseshistorier. Oslo, 1994.
- Tingen på terskelen og andre hårreisende historier. Utval og omsetting ved Øyvind Myhre og Einar Engstad. Oslo, 1973
Bakgrunnsstoff
endre- Samtlege verk av Lovecraft fritt tilgjengeleg på nettet hos Project Gutenberg Australia.
