Henri-Edmond Cross
Henri-Edmond Cross, pseudonym for Henri Edmond Joseph Delacroix (20. mai 1856–16. mai 1910) var ein fransk kunstmålar som er kjend for sine måleri i den teknikken som vert kalla pointillisme, som vert klassifisert under kunstretninga neo-impresjonisme, altså ny-impresjonisme, òg kalla postimpresjonisme. Cross vart fødd i Douai, og døydde i Saint-Clair i Lavandou i departementet Var.
Henri-Edmond Cross byrja som målar av realistiske måleri i dunkle fargar, men etter å ha knytt venskap med ny-impresjonistiske målarar, mellom dei Paul Signac som han vart ven med i 1883, tok han i bruk pointillisme-teknikken i 1891, altså rett før oppfinnaren av denne målarteknikken, Georges Seurat, døydde. Cross er rekna som ein av dei viktigaste representantane for pointillismen, som han vidareutvikla, og måleria hans har inspirert og påverka Henri Matisse (1869-1954), som Cross vitja i 1904, og andre av dei målarane som fekk nemninga fauvistar.
-
Paysage (Landskap) (om lag 1896-1899), Honolulu Academy of Arts. -
Après-midi à Pardigon (Ettermiddag i Pardigon), Musée d'Orsay i Paris. -
Les îles d'or (Gulløyane), Musée d'Orsay -
Pécheur (Fiskarar) (1895), Kröller-Müller Museum -
Ponte San Trovaso (Brua San Trovaso) (om lag 1902-1905), Kröller-Müller Museum -
Cyprès à Cagnes (Sypressar i Cagnes) (1910), Musée d'Orsay.
