Jonathan Swift
Jonathan Swift (30. november 1667–19. oktober 1745) var ein engelsk-irsk forfattar, kjend for verk som Gullivers reiser (Gulliver’s travels), 1726, A modest proposal, 1729, og A Tale of a Tub, 1704. Swift er ein av dei fremste satiriske prosaistane i det engelske språket, sjølv om han også er kjend for å skriva poesi og essay. Han frykta represaliar for skriftene sine, og publiserte dei enten under pseudonym eller anonymt.
| Jonathan Swift | |
 | |
| Pseudonym | Isaac Bickerstaff, Lemuel Gulliver, M. B. Drapier, Simon Wagstaff |
| Statsborgarskap | Kongeriket Irland |
| Fødd | 30. november 1667 Dublin |
| Død |
19. oktober 1745 (77 år) |
| Yrke | lyrikar, romanforfattar, satiriker, filosof, menneskerettsaktivist, pamflettist, anglikansk prest, skribent, science fiction-forfattar, essayist, kommentator, barnebokforfattar, prosaforfatter, offentleg person, prest |
| Språk | engelsk |
| Politisk parti | Torypartiet |
| Sjanger | satire, essay, lignelse, pamflett |
| Religion | Den anglikanske kirke |
| Far | Jonathan Swift |
| Mor | Abigail Erick |
| Ektefelle | Esther Johnson |
| |
| Jonathan Swift på Commons | |
Tidleg liv
endreJonathan Swift vart fødd som andre barn og einaste sonen til Jonathan Swift og kona hans Abigail Erick. Han vart fødd sju månader etter at faren døydde. Det er få sikre opplysningar om Swifts tidlege liv, men det er allment anteke at mor hans reiste tilbake til England då han var svært ung og lét Swift vere igjen hos familien på farssida. Det var onkelen Godwin som betala utdanninga hans, og han gjekk på Kilkenny College. Han gjekk på Trinity College i Dublin frå 1682 til 1689, då eit irsk opprør dreiv han tilbake til England.
