Joseph Wright of Derby
Joseph Wright (fødd 3. september 1734 i Derby i England, død 29. august 1797 same stad) var ein engelsk landskaps- og portrettmålar — han er vorte kjend som «den første profesjonelle målaren som uttrykte ånda i den industrielle revolusjonen.[1]
| Joseph Wright of Derby | |
 | |
| Statsborgarskap | Kongeriket Storbritannia |
| Fødd | 3. september 1734 Derby i Derbyshire |
| Død |
29. august 1797 (62 år) |
| Yrke | kunstmålar, kunstnar, landskapsmålar, portraitist, bygningstegner |
| Språk | engelsk |
| Medlem av | Royal Academy of Arts |
| Far | John Wright |
| Mor | Hannah Brookes |
| Ektefelle | Ann Swift |
| Joseph Wright of Derby på Commons | |
Liv og gjerning
endreHan var fødd i Irongate i Derby i England, faren var advokat. Då Wright hadde bestemt seg for å bli målar, drog han til London i 1751 og studerte i to år under Thomas Hudson, læremeisteren til Joshua Reynolds. Etter å ha måla portrett ei stund i Derby, arbeidde han som assistent for Hudson i femten månader. Han slo seg så ned i Derby og arbeidde med portrett med klår chiaroscuro i kunstig ljos, som namnet hans er assosiert med, og med landskapsmåleri.
Wright gifta seg i 1773, og på slutten av året vitja han Italia, der han vart til 1775. Medan han var i Napoli, vart han vitne til eit vulkanutbrot frå Vesuv, som vart motivet til mange av dei følgjande måleria hans. På tilbakevegen frå Italia etablerte han seg i Bath som portrettmålar. Etter ei tid gjekk han lei og vende tilbake til Derby, der han levde resten av livet.
Kjelder
endre- Denne artikkelen bygger på «Joseph Wright of Derby» frå Wikipedia på bokmål, den 11. november 2010.
- Wikipedia på bokmål oppgav desse kjeldene:
- ↑ F.D. Klingender, sitert i Ellis Waterhouses Painting in Britain 1530 to 1790, fjerde utgåva, New York, Viking Penguin, 1978, side 285.