Jules Verne

Jules-Gabriel Verne (8. februar 1828–24. mars 1905) var ein fransk forfattar. Han skreiv eventyrlege romanar om reiser verda rundt, under havet, jorda og i verdsrommet. Ved å bruka mange tekniske nyvinningar som inspirasjon for bøkene sine er han blitt ein av opphavsmennene til science fiction-romanen. Verne er kjend for bøker som Jorda rundt på 80 dagar, Jorda rundt i kavbåt, Den løyndomsfulle øya og Kaptein Grant og borna hans. Fleire av romanane hans er blitt filmatiserte, nokre av dei fleire gonger.

Jules Verne
Statsborgarskap	Frankrike
Fødd	8. februar 1828 Nantes
Død	24. mars 1905 (77 år) Amiens
Yrke	romanforfattar, skodespelforfattar, lyrikar, barnebokforfattar, skribent, science fiction-forfattar, esperantist
Språk	fransk, esperanto
Medlem av	Académie des sciences, des lettres et des arts d'Amiens, Société de géographie
Religion	katolisisme
Far	Jean-Pierre Polnareff
Mor	Sophie Allotte de La Fuye
Ektefelle	Honorine du Fraysne de Viane
Jules Verne på Commons

Verne var fødd i Nantes i Frankrike og voks opp på ei øy i elva Loire. Han døydde i Amiens.

Verkliste

Utval av verk som finst på norsk

Dei verka som har kome i norsk omsetjing, har i stor mon vore avstytta og omarbeidde utgåver. Av mange av bøkene finst det fleire omsetjingar og reviderte opplag, og dei har òg hatt ymse ulike namn. Fleire av nynorskomsetjingane gjekk som framhaldsforteljingar i Norsk Barneblad før dei kom ut som bøker. I lista nedanfor kjem det franske namnet først, så dei nynorske (om det finst), og så bokmålsnamn.

• Voyage au centre de la Terre (1864)
  • Reisen til jordas indre
• Les Enfants du capitaine Grant (1867)
  • Kaptein Grant og borni hans (1926) , Kaptein Grant og borna hans (1943) omsett av Johannes Horvei
  • Kaptein Grants barn
• Vingt Mille Lieues sous les mers (1869)
  • Jorda rundt i kavbåt (1943), Ei verdsomsegling under havet (2005) omsett av Petrine Ramstad
  • En verdensomseiling under havet
• Le Tour du Monde en quatre-vingts jours (1873)
  • Jorda rundt på 80 dagar (som teaterstykke)
  • Jorden rundt på 80 dager
• L'Île mystérieuse (1875)
  • Den løyndomsfulle øya (1958) omsett av Johannes Farestveit
  • Den hemmelighetsfulle øya
• Les Indes noires (1877)
  • Den underjordiske byen (1993) omsett av Ragnar Hovland
• Michel Strogoff (1876)
  • Zarens kurér (1896), (1902), omsett av Marta og Rasmus Steinsvik, (1969) revidert av Jostein Øvrelid; Tsar-kuréren (2. oppl. 1945) omsett av Inger Hagerup
  • Tsarens kurér

Verne skildra romfart før menneska hadde forlate jordoverflata.

• Deux Ans de vacances (1888)
  • Ei ferieferd som vart til tvo aars fangetid paa ei Stillehavsøy (1925), Ei ferieferd som vart til to års fangetid på ei Stillehavsøy (1944) omsett av Johannes Horvei
  • To års ferie; I Stillehavets favn
• De la Terre à la Lune (1865)
  • Reisen til månen
• Cinq Semaines en ballon (1863)
  • Fem uker i ballong
• Un capitaine de quinze ans (1878)
  • Kapteinen på 15 år
• Un billet de loterie. Le numéro 9672 (1886)
  • Det store loddet. Roman fra Telemark
• Hector Servadac (1877)
  • En reise gjennom solsystemet
• Sans dessus dessous (1889)
  • Skuddet på Kilimanjaro
• L'Oncle Robinson (1861)
  • Onkel Robinson

Ei meir utførleg liste over omsetjingar kan ein finna hjå Norsk Oversetterleksikon.

Vidarforlaget held for tida på med nye omsetjingar til bokmål av bøkene som Jules Verne kalla «les voyages extraordinaires», reiseeventyra.

Bakgrunnsstoff

Wikimedia Commons har multimedia som gjeld: Jules Verne

Denne litteraturartikkelen er ei spire. Du kan hjelpe Nynorsk Wikipedia gjennom å utvide han.