Khentkaus III
Khentkaus III var ei gemalinne frå oldtida i Egypt som levde i det femte egyptiske dynasti.[1] Ho var truleg kona til farao Neferefre, og dimed også mor til farao Menkauhor Kaiu.[2][3]
| Khentkaus III Kona til kongen, mor av kongen | |||||
| Fødd | 25. hundreåret f.Kr. | ||||
|---|---|---|---|---|---|
| Død | 25. hundreåret f.Kr. | ||||
| Regjeringstid | c. 2450 f.Kr. | ||||
| Alle titlar | Dronning | ||||
| Fullt namn | Khentkaus III Egyptisk namn:
Translitterasjon: Ḫnt kȝw=s | ||||
| Hus eller slekt | 5. egyptiske dynasti | ||||
| Gravstad | Burasir, Egypt | ||||
| Land | Egypt i oldtida | ||||
| Mor | Khentkaus II | ||||
| Far | Neferirkare Kakai | ||||
| Ektefelle | Neferefre | ||||
| Barn | Menkauhor Kaiu | ||||
Den 4. januar 2015 annonserte egyptiske myndigheiter at ei gruppe tsjekkiske arkeologar hadde funne grava hennar.[2] Før oppdaginga var eksistensen av Khentkaus III ukjend, ifølgje den egyptiske antikvaren Mamdouh Eldamaty. To tidlegare egyptiske gemalinner med same namn er tidlegare identifisert.[2][4]
Gravkammer
endreGravkammeret til Khentkaus III — merka med AC 30[1] — vart avdekka i Abusir, Egypt, der det finst fleire pyramidar dediserte til faraoar i det femte dynastiet, inkludert Neferefre.[4] Gravkammeret vart funne i nærleiken av Neferefre si grav av tsjekkiske arkeologar, leia av Miroslav Bárta ved Karlsuniversitetet i Praha, med egyptisk samarbeid. Namnet og rangen til Khentkaus var inngravert i dei inste veggane av kammeret, og er truleg gjort av byggjarane.[4] Relieffane identifiserte Khentkaus III som både «kona til kongen» og «mor av kongen», som tydar på at sonen inntok trona.[3] Statuettar, 24 reiskapar av kalkstein og fire reiskapar av kopar vart funne i grava.[3] Grava er datert til midten av det femte dynastiet.[4]
Arkeologane som avdekka gravkammeret meinte at det kunne tilhøyre kona til Neferefre sidan det låg så nært gravstaden hans, i ein liten kyrkjegard mot søraust.[5][6] Eldamaty sa at «oppdaginga vil hjelpe oss med å kaste lys over visse ukjende aspekt ved det femte dynastiet, som, saman med det fjerde dynastiet, var vitne til byggjinga av dei fyrste pyramidane.»[7]
Kjelder
endre- Denne artikkelen bygger på «Khentakawess III» frå Wikipedia på engelsk, den 6. januar 2015.
- Wikipedia på engelsk oppgav desse kjeldene:
- ↑ 1,0 1,1 «Czech expedition discovers the tomb of an ancient Egyptian unknown queen». Charles University. Januar 2015.
- ↑ 2,0 2,1 2,2 «Tomb of previously unknown pharaonic queen found in Egypt». The Express Tribune. 4. januar 2015. Henta 4. januar 2015.
- ↑ 3,0 3,1 3,2 «Tomb find reveals existence of new Egyptian queen». Fox News. 4. januar 2015. Henta 4. januar 2015.
- ↑ 4,0 4,1 4,2 4,3 «Tomb of Fifth Dynasty queen found in Egypt». ABC Online. 4. januar 2015. Henta 4. januar 2015.
- ↑ «Tomb of ancient Egyptian queen uncovered by archaeologists». The Independent. 5. januar 2015.
- ↑ «4500 years old tomb of unknown Ancient Egyptian Queen discovered». Luxor Times. 4. januar 2015.
- ↑ «BBC News - Queen Khentakawess III's tomb found in Egypt». BBC News. Henta 5. januar 2015.