Kremkarakara
Kremkarakara (Milvago chimachima) er ein rovfugl i falkefamilien, Falconidae. Han finst i tropiske og subtropiske Sør-Amerika og den sørlege delen av Sentral-Amerika. I motsetnad til falkane i slekta Falco, same familie, er ikkje karakaraer raske jegerar, men er temmeleg trege og et ofte åtsel.
| Kremkarakara | |
 Kremkarakara, Milvago chimachima Foto: Dario Sanches
| |
| Utbreiing og status | |
Status i verda:  Livskraftig Utbreiinga av kremkarakara | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Falkefuglar Falconiformes |
| Familie: | Falkefamilien Falconidae |
| Slekt: | Milvago |
| Art: | Kremkarakara M. chimachima |
| Vitskapleg namn | |
| Milvago chimachima | |
Kremkarakaraer er 41–46 cm lange og veg 325 gram i gjennomsnitt. Hofuglar er større enn hannane, 310–360 g, mot 280–330 g for hannar. Dei har breie venger og lang hale, noko som gjer at dei liknar små våkar i Buteo. Dei vaksne fuglane har brungult hovud med ei svart stripe bak auget og brungul underside. Oversida er brun med karakteristiske lyse flekker på vengfjøra og halen er brun med kremfarga striper. Om ein ser bort frå storleiken er kjønna like. Hovud og underside av ungfuglar har tette brunflekker. Denne arten har eit karakteristisk skrik.
Fuglen lever på savannar, myrer og i skogkantane. Han finst frå Costa Rica sørover gjennom Trinidad og Tobago til Nord-Argentina, provinsane Misiones, Chaco, Formosa, Corrientes og Santa Fe. Typisk finst dei frå havnivå til 1800 moh., sporadisk opp til 2600 moh. Lengst sør i Sør-Amerika er han utkonkurrert av slektningen, brunkarakara (Milvago chimango), artane har overlappande leveområde i det sørlege Brasil, Nord-Argentina, Paraguay og Uruguay. Kremkarakara spreier seg no til Nicaragua.
Kremkarakara er altetar, og et t.d. reptilar, amfibium og andre smådyr som åtsel. Fuglar er sjeldan om i det heile tatt bytte for kremkarakara, i ei undersøking utløyste denne arten ikkje varselrop hos beitande flokkar av blandingsartar i opent cerrado-habitat. Dei plukkar flått av storfe. I tillegg er i det minste yngre fuglar glad i visse frukter, for eksempel frå oljepalme (Elaeis guineensis) eller pequi (Caryocar brasiliensis). Dei legg fem til sju brunflekka brungule egg i eit kvistreir i eit tre.
Kremkarakara har tatt føremon av skogrydding for storfedrift. I Trinidad er statusen endra frå sjeldan til ganske vanleg, og arten vart sett første gongen på Tobago i 1987. Han tilpassar seg lett til urbane område og saman med artar som for eksempel svartkondor (Coragyps atratus), er han av dei mest observerte rovfuglar innanfor latinamerikanske byar. Derfor ser ikkje Verdas naturvernunion, IUCN, denne arten som trua. Som resultat av urbanisering i utkanten av Panama by for eksempel, ser ein ofte kremkarakara på hustak i forstadsområde.
Kjelder
endre- Denne artikkelen bygger på «Yellow-headed Caracara» frå Wikipedia på engelsk, den 27. juni 2009.
- Wikipedia på engelsk oppgav desse kjeldene:
- BirdLife International (BLI) (2008). Milvago chimachima. 2008 IUCN Red List of Threatened Species. IUCN 2008. Lest 27. juni 2009
- ffrench, Richard; O'Neill, John Patton & Eckelberry, Don R. (1991): A guide to the birds of Trinidad and Tobago (2nd edition). Comstock Publishing, Ithaca, N.Y.. ISBN 0-8014-9792-2
- Hilty, Steven L. (2003): Birds of Venezuela. Christopher Helm, London. ISBN 0-7136-6418-5
- Olmos, Fábio; Pacheco, José Fernando & Silveira, Luís Fábio (2006): Notas sobre aves de rapina (Cathartidae, Acciptridae e Falconidae) brasileiras [Notes on Brazilian birds of prey]. Revista Brasileira de Ornitologia 14(4): 401-404 Portugisisk med oppsummering på engelsk]. PDF
- Pereira, José Felipe Monteiro (2008) : Aves e Pássaros Comuns do Rio de Janeiro(Common birds of Rio de Janeiro). Rio de Janeiro, Technical Books, ISBN 978-85-61368-00-5
- Ragusa-Netto, J. (2000): Raptors and "campo-cerrado" bird mixed flock led by Cypsnagra hirundinacea (Emberizidae: Thraupinae). Revista Brasileira de Biologia 60(3): 461-467 [Engelsk med oppsummering på portugisisk]. PDF. Lest 27. juni 2009
Bakgrunnsstoff
endre
- Videoar av kremkarakara på The Internet Bird Collection
- Kremkarakara fotogalleri hos Vireo
- Photo-High Res
- Photo-High Res; Article & synopsis Photo no. 2 of 5 arthurgrosset–"South American Birds"
