Maritsa
- For den bulgarske kommunen, sjå Maritsa i Plovdiv. For toppen i Antarktis, sjå Maritsa Peak.
Maritsa eller Évros (bulgarsk Марица, gresk Έβρος, romanisert som Hebrus, tyrkisk Meriç) er den lengste elva som berre renn innanfor Balkan med ei lengd på 480 km. Ho har sitt utspring i Rilafjella vest i Bulgaria, renn søraustover mellom Balkanfjella og Rodopifjella, forbi Plovdiv til Edirne i Tyrkia. Ein liten del av den nordlege breidda av elva ligg heilt inne i Tyrkia, og området vart gjeve til Tyrkia for at landsbyen Edirne skulle sleppe å ha Hellas på den andre sida av elva. Resten av elva dannar grensa mellom Tyrkia og Hellas. Nær Enez dannar elva eit delta og munnar ut i Egearhavet. Av sideelvar til Maritsa finn ein Tundzja og Arda. Den nedre delen av elva dannar grensa mellom Bulgaria og Hellas, og det meste av grensa mellom Hellas og Tyrkia. Elva er ikkje framkommeleg, men vert brukt til straumproduksjon og vatning.
| Maritsa (Марица) | |||
| Évros (Έβρος), Meriç | |||
| elv | |||
 Kjelda til Maritsa i Rilafjella
| |||
| Land |  Bulgaria,  Tyrkia  Hellas
| ||
|---|---|---|---|
| Nedslagsfelt | 53 000 km² | ||
| Lengd | 480 km | ||
| Kjelde | Rilafjella i Bulgaria | ||
| Munning | Egearhavet, 14,5 km aust for Alexandroupoli | ||
| - koordinatar | 40°43′50″N 26°2′26″E / 40.73056°N 26.04056°E | ||
 Maritsa 42°09′53″N 23°35′45″E / 42.164805555556°N 23.595888888889°E | |||
| Wikimedia Commons: Maritsa | |||
Maritsa/Évros renn mellom anna gjennom Pazardzjik, Plovdiv, Dimitrovgrad og Svilengrad i Bulgaria, Edirne i Tyrkia og Kastaniés, Pýthio, Didymótikho og Lávara i Hellas.
Kraftig regn og snøsmelting førte både i 2005 og 2006 til alvorlege flaumar. Årsaka til dette var mellom anna at fleire av dika rundt elva braut saman, og vatnet strøymde 5-10 km bort frå sjølve elva.
Kjelder
endre- Denne artikkelen bygger på «Maritsa» frå Wikipedia på engelsk, den 7. mars 2007.