Poul Heegaard
Poul Heegaard (fødd 2. november 1871 i København, død 7. februar 1948 i Oslo) var ein dansk-norsk matematikar.
| Poul Heegaard | |
 | |
| Statsborgarskap | Kongeriket Danmark, Noreg |
| Fødd | 2. november 1871 København |
| Død |
7. februar 1948 (76 år) |
| Yrke | matematikar, topolog, astronom, universitetslærar |
| Språk | dansk, tysk |
| Medlem av | Norsk matematisk forening |
| Far | Sophus Heegaard |
| Poul Heegaard på Commons | |
Han tok doktorgraden i 1898 ved Københavns universitet og var same stad professor i geometri og mekanikk frå 1910 til 1917. Han var professor i geometri ved Universitetet i Oslo frå 1918 til 1941. Doktoravhandlinga hans Topologiske forstudier til en teori for de algebraiske fladers sammenhæng var eit viktig arbeid i topologien. Han var ein av stiftarane av Norsk matematisk forening, redaktør for Norsk matematisk tidsskrift, og han gav ut frå 1922 til 1937 dei samla skriftene til Sophus Lie i lag med F. Engel) Sophus Lies samlede skrifter.
Han hadde ei allsidig kulturell interesse som fann mange virkefelt utanfor matematikken. Han var ein godt likt forelesar i Folkeakademiet, og dei astronomiske foredraga hans ligg til grunn for bøkene Populær astronomi (1902) og Stjerneverdenen: verdensbilledet gjennem tidene (1921). Han engasjerte seg i studentvelferd, i kristelege studentaktivitetar, i personalhistorie og i psykisk forsking. Han var frimurar, var ei tid sterkt opptatt av Oxford-rørsla og vart til slutt katolikk.
Kjelder
endre- Poul Heegaard. (2012-02-02) I Store norske leksikon. Henta frå http://snl.no/Poul_Heegaard