Náshdóítsoh

nihookááʼ naaldeehii
Dahináanii Naaldeehii Bidoh Dahólónígíí Bikʼiiz Naakiígíí Bííghą́ą́stsʼǫǫd Dahólónígíí Bíígháán Dahólónígíí Biyaatsʼiin Dahólónígíí Bidił Daazdoígíí dóó Daʼałtʼoʼígíí Biishchʼid Dahólónígíí Náhookǫs biyaadi Hadahóólįįdígíí Bidił Daazdoígíí dóó Daʼalghałígíí Náshdóí Deinoolinígíí Náshdóí Ndahalinígíí Náshdóítsoh
Ndaʼałkaahí bikʼehgo Puma concolor wolyé
Kéyah Dah Siʼánígíí
naaldeehii daʼalghałígíí

Náshdóítsoh éí naaldlooshii daʼalghałígíí dah yikahjí atah yisdzoh, áádóó éí kéyah dah siʼánígíí bikááʼgóó hólǫ́; tʼáá díí tʼéiyá náshdóítsoh Náhookǫsjí kéyah dah siʼánígíí bikááʼgóó hólǫ́. Ndaʼałkaahí dóó ééʼdeetįįhii éí "Puma concolor" deiłníigo dayózhí.

Náshdóítsoh éí dziłtah dóó hodíłchʼiltah dóó tsékooh dahólǫ́ǫgi naakai łeh; halgaiigi éí ałdóʼ hólǫ́, áko ndi áadi éí doo ahahyói da łeh. Náhookǫsjí honeezkʼazgi éí ádaadin (Hakʼaz náshdóí áadi naakai).

Ánoolinígíí

Náshdóítsoh éí 3.5–6.5di adéesʼeez áníłnééz; bikąʼígíí éí baʼáádígíí yilááh áníłtso łeh. Bikąʼígíí éí 115–220 dahidídloʼ áníłdáás, baʼáádígíí éí 64–140 dahidídloʼ áníłdáas łeh. Łaʼ éí daalbá, náánáłaʼ éí łichíiʼgo naashchʼąąʼ. Náshdóítsoh biyázhí éí daalkizh dóó bitseeʼ noodǫ́ǫ́z.

Chʼiyą́

Náhookǫsjí kéyah dah siʼánígíí bikááʼgóó náshdóítsoh dahólónígíí éí deeteel dóó bįįh dóó tsétah dibé haalzheehgo naakai; łahda bílaʼashdlaʼii bilį́į́ʼ (béégashii da, dibé da) ałdóʼ deilghał. Náshdóítsoh Shádiʼááhdiʼígíí éí dlǫ́ǫ́ʼ ntsxaaígíí dóó dahsání deilghał.

bitsʼą́ą́dóó ééhózinii

---