Apoptòsi
L'apoptòsi ò mòrt cellulara programada es un procès de d'autodestruccion dei cellulas en respònsa a un sinhau. Permet de mantenir l'equilibri entre lei cellulas formadas e destruchas dins leis organismes multicellulars e es geneticament programada. Au contrari de la necròsi, entraïna pas d'inflamacion dei teissuts. Lei sinhaus principaus d'entraïnament de l'apoptòsi son la pèrda dei factors de creissença que confirman l'utilitat de la cellula per l'organisme, de secrecions indicant de degalhs perilhós a l'ADN de la cellula, de secrecions liats au sistèma immunitari demandant la destruccion d'una cellula contaminada, la pèrda de contacta ambé lei cellulas vesinas ò la desgracion dei telomèrs dei cromosòmas.