Cigarreta
Una cigarreta (var. cigareta[1]) es un cilindre de tabac chaplat rotlat dins de papier fin emb, generalament, un filtre a una extremitat. La sieua utilizacion consistisse a l'alumar per inalar lo fum eissit de la combustion. Es probablament apareissuda en Euròpa durant lo sègle XVII. Durant lo sègle XIX, la Revolucion Industriala permetèt l'industrializacion de la sieua fabricacion e es venguda lo mòde de consomacion principal dau tabac. Lo tabac utilizat contèn generalament d'additius per melhorar l'odor e lo gost. Son fum contèn mai de 200 substàncias toxiqui per l'èstre uman e la consomacion de cigarretas es ensinda venguda un problema de santat publica dins mai d'un país car favoriza l'aparicion de càncers e aumenta lo risc de malautias cardiovasculari. Lu megòts son finda una causa de pollucion environamentala duradissa.
