Eliseu Reclus
Elisèu Reclus (Senta Fe la Granda, Agenés, 1830 - Torhout, Flandra Occidentala, 1905) es un geograf occitan, libertari, membre de la Primièra Internacionala.
| Eliseu Reclus | |
|---|---|
 | |
| Naissença | 15 de març de 1830 Senta Fe la Granda |
| Mòrt | 4 de julhet de 1905 Torhout |
| País d'origina | Agenés, Occitània |
| Paire | Jacme Reclus |
| Distincions | medalha d'aur de la Royal Geographic Society |
| Signatura |  |
Vida
modificarNais dins una familha protestanta sortida del Fleis, en Perigòrd. Lo paire Jacques es un pastor e ensenhaire a Santa Fe.
En 1842, als dotze ans, quita l'ostal del paire amb lo fraire ainat, Elias, per se ganhar la vida e conéisser lo monde. Va en Alemanha.
En 1847, torna en França e dintra a la facultat de teologia de Montalban.
La revolucion de 1848, a París, càmbia l'orientacion intelectuala d'Elisèu, que va apondre a sas lecturas Saint-Simon, Charles Fourier, August Comte e Lamennais. Elisèu frequenta alara las classas de Carl Ritter, professor de geografia a l'Universitat de Berlin, autor de "La geografia dins sa relacion amb la natura e l'istòria de l'òme", una òbra inacabada de dètz volums, escrichs entre 1822 e 1859, una de las òbras fondamentalas de la geografia comparada que serà completada mai tard per la "Geografia Universala" del quite Elisèu Reclus, inclusent los estudis d’Euròpa, d’America e d’Oceania.
Pendent lo sètge de París en 1870, escriguèt una òbra per sosténer la Comuna de París e foguèt empresonat puèi fòrabandit.
Sas Idèas
modificarElisèu Reclus èra un militant dels mitans anarquista, èra tanben en relacion amb nombre de personas del movement libertari de l'epòca. Uèi, es vist coma un precursor de l’ecologia sociala que serà desvolopada mai tard per Murray Bookchin.
Lèu rebutat per la carn, Elisèu Reclus èra un vegetarian convencut. Partejava aquela concepcion amb lo fraire Elias.