Voltor

Lo voltor (var. voutor, gasc. vo(l)tre, voitre, vutre, voire) o aglàs, es un ausèl rapaç de l'òrdre dels falconiformes que s'alimentan unicament d'animals mòrts, e mai se fauta d'aquestes, son capables de caçar de pèças vivas. Los voltors son presents per totes los continents, levat Antartida e Oceania. Los voltors del Mond Nòu (America) apertenon a la familha dels Cathartidae, mentre que los del Mond Vièlh (la rèsta dels continents) son de la familha dels Accipitridae; las siás semblanças venon del fach que son adaptats a un meteis ròde ecologic, mas non an pas cap aujòl comun.