Mickey 3D
Mickey 3D es un grop de pop ròck francés, originària de Montbrison (França), fondat en 1996 per Mickaël Furnon (« Mickey » per Mickaël), ambe Aurélien Joanin a la batariá, e un pauc mai tard, Najah El Mahmud (una musiciana de Sant Estève) als clavièrs e a l'acordeon. Mickey 3D es mai que mai conegut en França pel tube Respire en 2003.
Mickey 3D ven primièr popular sus scèna dins la zòna arpitana limitròfa occitana de Sant Estève (França). A n'aquela epòca, dos eveniments son determinants per lo duò : d'un costat, lor rencontre ambe lo grop Louise Attaque, que los fa passar en primièra partida de sos concèrts ; de l'autre, lor signatura en çò del labèl Virgin, que publica lor primièr album en 2000 ambe un primièr simple, La France a peur, qu'obten un pauc de resson. Es a n'aquel moment que Mickey 3D ven alavetz un trio ambe l'arribada de Najah El Mahmud als clavièrs.
En 2002, lo grop Indochine obten l'una de sas mai gròssas capitadas ambe J'ai demandé à la lune, un títol que ven quitament n°1 en França, e justament escrich per Mickaël Furnon, çò que suscita encara mai d'interès pel grop Mickey 3D. Aital, de nombrosas proposicions de collaboracions seguisson. Per exemple, del 19 al 23 de decembre de 2002, lo grop fa la primièra partida de Renaud al Zenit de París (França).
En 2003, Respire, una cançon ecologista del grop, ven un tube en França. L'album Tu vas pas mourir de rire se vend a 350 000 exemplars e obten lo prèmi del disc de la cançon francesa de l'Acadèmia Charles-Cros, tanben lo prèmi Constantin e la Victòria de la musica de l'album ròck de l'annada. La cançon Respire empòrta doas Victòrias de la musica en França, la de la cançon originala de l'annada, e la del clip de l'annada. S'enseguís una virada populara per la quala un quatren musician, Gregory Romestein, dich « Chat », rejonch la formacion a la bassa.
En 2017, Mickaël Furnon compausèt la cançon La vie est belle un còp de mai per Indochine, e un còp de mai una cançon que foguèt un gròs tube en França.
Par l'anecdòta, basat dins la zòna arpitana limitròfa occitana de Montbrison (ont demòra) e Sant Estève (ont es nascut), Mickaël Furnon es al mens en partida de soca occitana (sos aujols son dels vilatges occitans d'Estivalelhas e Apinac).
Discografia
modificar- 1999 (reeditat en 2000) : Mistigri Torture
- 2001 : La Trêve
- 2003 : Tu vas pas mourir de rire
- 2005 : Matador
- 2009 : La Grande Évasion
- 2016 : Sebolavy
- 2023 : Nous étions des humains
Cançons mai conegudas
modificar- La France a peur (2000)
- Respire (2003, reeditat en 2020 ambe Bigflo et Oli)[1]
- Yalil (La fin des haricots) (2003)
- Johnny Rep (2004, version sus l'empont)
- Je m’appelle Jane (2004, Mickaël Furnon, ambe Jane Birkin)
- Matador (2005)
- En léger différé (2016)
- Émilie dansait (2022)
- Je Me Souviens (2023)