Ròsa-crotz

La Ròsa-Crotz es una societat secreta que difusèt a partir d'Alemanha pendent lo sègle XVII, amb la tòca d'intervenir pacificament e secretament dins lo mond per establir la patz e una religion comuna. Professa un cristianisme de caractèr esoteric amb d'elements alquimics, ermetics, gnostics e cabalistics, e es simbolizada per una crotz e una o mai ròses sobrepausadas. Se nomenan los seus adèptes "rosacroces" o "rosicrucians".

Un dels simbòls de la Rosa-Cròtz

Crotz de Martin Luther

Brèva istòria

La societat foguèt creada, segon la legenda, pel cavalhièr germanic Christian Rosenkreutz (qu'auriá viscut, segon los autors, entre los sègles XIII e XV), mai que se divulguèt l'existéncia sonque a fins al començament del sègle XVII, amb la publicacion de las òbres Fama Fraternitatis Rosae Crucis (1614), Confessio Fraternitatis (1615) e Chymische Hochzeit Christiani Rosenkreuz (Les noces químiques de Cristià Rosacreu, 1616), atribuïdas al teològ protestant Johann Valentin Andreae (1586-1654). També foguèt propagada per las òbras de l'umanista anglés Robert Fludd (1574-1637).

A partir de 1622 los membres de la Ròsa-Crotz s'encontrèron a París e lèu s'encontrèron a Viena e en d'autres luòcs de l'Euròpa Centrala, los Païses Basses e en Anglatèrra. Mai tard la francmaçoneria n'adoptèt de concèptes e simbòls, coma per exemple lo nomenat prince de la Ròsa-Crotz del 18ⁿ gra dels 33 de que compta lo rite escocés.

Grops

Pendent los sègles XVIII e XIX se bastiguèron nombrosas societats que se revindicavan eretièras de la Ròsa-Crotz, coma la Fraternitas Rosae Crucis, l'Òrde Cabalistic de la Ròsa-Crotz, l'Òrde Mistic del Temple de la Ròsa-Crotz, l'Escòla de la Ròsa-Crotz d'Aur, d'ont venon l'Òrde Ermètic de l'Alba Daurada o l'Antiquus Mysticusque Ordo Rosae Crucis (AMORC).

Ara encara i a divèrsas brancas en activitat.

Ligams extèrnes

• Podcast de l'emission d'Andreas Faber-Kaiser Sintonia Alfa – Els Rosacreus, a Catalunya Ràdio (1991)