Verdun (Mòsa)

Verdun es una comuna francesa administrada per lo departament de Mòsa de la region del Grand Èst.

Verdun
Verdun

Mòsa a Verdun

Armas

Geografia fisica

Coordenadas

49° 09′ 39″ N, 5° 23′ 18″ E

Superfícia

31,03 km²

Altituds
· Maximala
· Minimala

330 m
194 m

Geografia politica

França

Verdun

Samuel Hazard (2014-2020)

Geografia umana

Autras informacions

Gentilici

Verdunois(es) (en francés)

55100

Geografia

Verdun se situa dins l'èst de França, cap al centre del departament de Mòsa (que n'es una de sas sosprefectura) e leugièrament al nòrd oèst de la region Grand Èst. La comuna s'estend dins la val de Mòsa, per las doas ribas del fluvi al nivèl d'una vòlta. Se trapa entre las còstas de Bar a l'oèst e las còstas de Mòsa a l'èst^[1]^,^[2].

Istòria

L'existéncia de l'aglomeracion remonta a l'Antiquitat quora los cèltas fondèron un oppidum susplombant una vòlta de Mòsa. Venguda capluòc de la Civitas Verodunensium, la vila èra una de las quatre ciutats de la província romana de Belgica primièra. En 843, lo tractat de Verdun que parteja l'Empèri carolingian en tres reialmes i foguèt signat. Vila del Sant Empèri Roman Germanic dempuèi lo sègle Xen, Verdun es somesa per França en 1552, durant lo « Viatge d'Austrasia ». Forma amb las autras vilas liuras d'Empèri, Metz e Toul, la província dels Tres Avescats, que se vei definitivament integrada al Reialme de França en 1648 per lo Tractat de Münster. Fortalesa de l'èst de França, la vila foguèt lo teatre de mai d'una batalhas, talas que la de 1792 durant las guèrras de la Revolucion francesa, e la de 1870 durant la guèrra francoprussiana. Mas es subretot la batalha de Verdun de 1916, durant la Primièra Guèrra Mondiala, que faguèt venir celèbre la vila dins lo mond entièr.