William Rankine
William Rankine (5 de julhet de 1820, Edimborg - 24 de decembre de 1872, Glasgow) es un engenhaire e un fisician escocés dau sègle XIX. Pionier de la termodinamica, elaborèt una teoria complèta de la maquina de vapor e publiquèt plusors obratges de referéncia sus lo subjècte dins lo corrent deis ans 1850 e 1860. En parallèl, a partir de 1840, foguèt l'autor de centenaus d'articles sus de questions tecnicas e scientificas dins lei domenis dei matematicas, de l'engenhariá, de la botanica e de la musica. En fisica, prepausèt l'usatge dau tèrme « energia » e donèt la premiera descrpcion de l'energia potenciala, nocion majora de la mecanica modèrna.
