Administracion Centrala Tibetana
L’Administracion Centrala Tibetana, de còps dicha Govèrn tibetan en exili, es lo govèrn en exili tibetan format per lei refugiats tibetans après la fugida dau 14(en) dalai lama en 1959. Son centre se situa dins la vila indiana de Dharamsala. Sostenguda per Índia gràcias a d'acòrdis permetent ai Tibetans de gerir de programas sociaus, culturaus e educatius e un sistèma fiscau d'impòsts volontaris, a per objectius d'ajudar lei refugiats tibetans, de representar Tibet dins lei negociacions internacionalas regardant lo país e d'i « restaurar la libertat ». En revènge, dempuei 1974, la revendicacion independentista foguèt abandonada.
En 2019, l'Administracion s'ocupava d'una populacion de 128 000 Tibetans en exili e dispausava d'un budget annuau estimat a un vintenau de milions de dolars. De mai, entreteniá un ret d'un desenau de burèus internacionaus. Dins aquò, ges de país la reconoís coma lo govèrn oficiau de Tibet.