Atmosfèra (unitat)
L'atmosfèra (o atmosfèra estandard; simbòl: atm) es una unitat de mesura de pression, qu'aparten pas al Sistèma internacional (SI). Foguèt definida pendent de la 10a Conferéncia generala dels peses e mesuras, en 1954, coma essent egala a 1 013 250 dinas per cm2 (o 101 325 Pa). Correspond a la pression d'una nautor de 760 mmHg a 0 °C, jos l'acceleracion normala (g = 9,80665 m/s2).
Aquesta valor representa la pression atmosferica mejana al nivèl mejan de la mar sus la latitud de París. En practica, es pro pròche de la pression mejana al nivèl de la mar de gairebe totes los païses industrializats (a l'entorn de la latitud 49° N). Es uèi remplaçada per l'unitat SI, lo pascal (Pa), mas demora pasmens internacionalament coneguda e relativament correnta dins la literatura especializada de las annadas 1960 a 1980.
L'atmosfèra tecnica (simbòl at) es tanben una anciana unitat de pression, definida coma la pression exercida per una colomna d'aiga de 10 mètres: 1 at = 98 066,5 Pa (valor exacta).
Equivaléncias
modificarUna pression de 1 atm pòt tanben èsser exprimida coma:
Aplicacions
modificarEn quimia, las condicions normalas de temperatura e de pression son definidas per una temperatura de 0 °C e una pression de 1 atm. En 1990, la pression estandarda foguèt cambiada de 1 atm a 10Modèl:5 Pa (1 bar).
Es corrent, subretot en sotada, d'assimilar l’atmosfèra al bar (unitat).
| Pascal (Pa) | Bar (bar) | Atmosfèra tecnica (at) | Atmosfèra estandarda (atm) | Torr (mmHg) | Unitat PSI (psi) | |
|---|---|---|---|---|---|---|
| 1 Pa | ≡ 1 N/m2 | 10-5 | 10,197× 10-6 | 9,8692× 10−6 | 7,5006× 10-3 | 145,04× 10-6 |
| 1 bar | 100000 | ≡ 106 dyn/cm2 | 1,0197 | 0,98692 | 750,06 | 14,504 |
| 1 at | 98066,5 | 0,980665 | ≡ 1 kgf/cm2 | 0,96784 | 735,56 | 14.223 |
| 1 atm | 101325 | 1,01325 | 1,0332 | ≡ 1 atm | 760 | 14,696 |
| 1 Torr | 133,322 | 1,3332× 10-3 | 1,3595× 10-3 | 1,3158× 10-3 | ≡ 1 mmHg | 19,337× 10-3 |
| 1 psi | 6894,76 | 68,948× 10-3 | 70,307× 10-3 | 68,046× 10-3 | 51,715 | ≡ 1 lbf/in2 |
Nòtas e referéncias
modificar- ↑ Torr e mmHg a 0 °C son sovent considerats equivalents. Es lo cas dins gaireben totas las aplicacions practicas, fins a cinc chifres significatius.
- ↑ L'NIST dona la valor de 13,595078(5) g/ml per la densitat du mercuri a 0 °C.
- ↑ Es la valor correntament acceptada per cmH2O a 4 °C. Es exactament lo produch de 1 kg-fòrça per centimètre carrat (una atmosfèra tecnica) còps 1,013 25 (bar/atmosfèra) divisat per 0,980665 (1 grama-fòrça). Es pas corrent de definir la valor de la pression de la colomna d'aiga a partir d'un dispositiu implicant realament de l'aiga. Aquò donariá en efièch 99,997495 % d'aquesta valor del fach que la veraia densitat maximala de l’aiga pura (VSMOW, 1968) es 0,99997495 kg/l a 3,984 °C. Aquesta realizacion tampauc prendriá en compte la diminucion de 8,285 cmH2O deguda a la pression de vapor saturanta al dejós de l’aiga a 3,984 °C.