Bramapotra

Bramapotra es un fluvi major d'Asia dau sud lòng de 2 900 km. Nais de la collision de doas placas continentalas :Índia e Eurasia. Sa fònt se situa au glacièr Angsi, dins la cadena imalaiana dei Kailas dins l'oèst de Tibet. Se sona alara riu Yarlung Tsangpo, e raja a travèrs lo sud de Tibet dins de gòrjas prigondas puèi travèrsa l'estat indian d'Arunachal Pradesh ont constituís un ais important de transpòrt èst-oèst sus qualque 1 200 km, probablament l'ais de navegacion fluviau pus naut au monde. Dins l'Estat d'Assam, prend lo nom de Bramapotra e travèrsa durant 725 km la larga e fertila vau d'Assam, asagant au passatge lo Parc nacional de Kaziranga. Travèrsa Sivasagar, l'anciana capitala politica daus sobeirans Âhom. En aval s'estend la villa de Jorhat, un daus grands centres de produccion de tè. Quora dintra au Bangladèsh, es rejonh per Tista, un de seis afluents majors, e se separa alara en dos. La branca oèst prend lo nom de Jamuna e contunha au sud vèrs Lata Chapli (districte de Patuakhali). Sa bòca se situa dins lo Golf de Bengala onte forma un deltà immens ambé Ganges que s'estend sus la màger part de Bangladèsh.

Mapa del riu Bramapotra.