Cheliabinsk
Cheliabinsk (rus: Челя́бинск) es una vila de Russia e lo centre administratiu de l'óblast del meteis nom, situada a l'èst dels Orals, en riba del riu Miass, a la termièra entre Euròpa e Asia.[1][2][3] Es la setena pus granda vila de Russia en tèrmes de populacion, amb1.130.132 abitants al recensament de 2010, e la segonda pus granda vila del districte federal d'Oral, après Ekaterinborg. Se situa al nòrd-èst de l'óblast, a 210 quilomètres au sud d'Ekaterinborg.
|
Cheliabinsk
Челя́бинск | |||||
|---|---|---|---|---|---|
 | |||||
| Opèra teatre de Cheliabinsk. | |||||
| |||||
| |||||
| Geografia fisica | |||||
| Superfícia | 530 km² | ||||
| Geografia politica | |||||
| País |  Russia | ||||
| Óblast | Óblast de Cheliabinsk | ||||
| Geografia umana | |||||
| Populacion (2013) |
1,156,201 ab. | ||||
| Autras informacions | |||||
| http://www.cheladmin.ru | |||||
La region de Cheliabinsk conteniá l'anciana colonia d'Arkaim, qu'aparteniá a la cultura Sintashta. En 1736, una fortalesa del nom de Chelyaba foguèt fondada sul site d'un vilatge Bashkir. Cheliabinsk obtenguèt l'estatut de vila en 1787. Chelyabinsk comencèt de créisser rapidament al començament del sègle XX après la construccion de ligasons ferroviàrias amb la Russia europèa e Siberia, i comprés lo camin de fèrre transsiberian. La populacion atenguèt 70 000 abitants en 1917. Pendent l'Union sovietica, Cheliabinsk venguèt un centre industrial màger dins las annadas 1930. La fabrica de tractors de Cheliabinsk foguèt bastida en 1933. Pendent la Segonda Guèrra Mondiala, la vila foguèt un contributor màger a la fabricacion de tancs e de municions.
Cheliabinsk demòra un centre industrial important, especialament per las industrias pesugas talas que la metallurgia e la produccion militara. Abriga mantun establiments d'ensenhament, principalament l'Universitat d'Estat du Sud d'Oral e l'Universitat d'Estat de Chelyabinsk. En 2013, lo meteòr Cheliabinsk espetèt al dessús de las montanhas d'Oral, e de tròces caiguèron dins la vila. L'explosion faguèt plusors centenas de nafrats, que d'unes grèus, principalament causats per des fragments de veires venents de las fenestras bresadas. Lo musèu regional de Cheliabinsk conten de tròces de la meteorita.