Khmer

Lo khmer / kmɛər / (prononciacion nativa ភាសាខ្មែរ AFI: [pʰiə.ˈsaː kʰmae], o pus formalament ខេមរភាសា : [kʰeː.maʔ.raʔ pʰiə.ˈsaː] es la lenga del pòble khmer e la lenga oficiala de Cambòtja. Amb aperaquí 16 milions de locutors, es la segonda lenga austroasiatica pus parlada (après lo vietnamian). Lo khmer foguèt considerablament influenciat pel sanscrit e pel pali, especialament dins los registres reials e religioses, a travèrs l'indoïsme e lo bodisme. Los registres pus familiars an influenciat e foguèron influenciats pel tai, lao, vietnamian e pel cham, que, en rason de la proximitat geografica e del contacte cultural de long tèrme, forman un sprachbund en Asia del Sud-èst peninsulària. Es tanben la primièra lenga escrita enregistrada e la pus anciana de la familha Mon – Khmer, anteriora al lun e dins una mendra mesura al vietnamian, pr'amor que lo vièlh khmer foguèt la lenga dels empèris istorics de Chenla, Angkor e, versemblablament., de l'ancian Estat Funan.