Lèi marciala
La lèi marciala es un estat juridic d'excepcion qu'autoriza l'usatge dei fòrças armadas regularas d'un país per assegurar lo mantenement de l'òrdre[1]. Es normalament instaurada per lo cap de l'Estat per una durada limitada. Sa mesa en òbra es acompanhada per una suspension totala ò parcialas dei libertats fondamentalas dei ciutadans, especialament lo drech de se reünion e lo drech a la seguretat. Per aquelei rasons, la proclamacion de la lèi marciala es rara e es considerada coma una respònsa a una situacion excepcionala coma una invasion enemiga, una insureccion ò una catastròfa naturala grèva.
Dins lei país autoritaris, la lèi marciala pòu èsser aplicada d'un biais pus regular per leis autoritats. En particular, certanei govèrns l'utilizan per reprimir de manifestacions ò de movements sociaus. De mai, dins leis Estats considerats coma democratics, una situacion de lèi marciala que dura tròp lòngtemps pòu entraïnar un còp d'Estat se lei militars refusan de restituïr lo poder ais institucions civilas. Ansin, la lèi marciala es vista d'un biais negatiu dins mai d'un país[2].
Liames intèrnes
modificarBibliografia
modificarNòtas e referéncias
modificar- ↑ Generalament, la polícia demòra en plaça per ajudar lei militars. Pasmens, lei militats vènon decisionaris e dispausan de drechs alargats.
- ↑ Per aquela rason, existís generalament d'estats d'excepcion intermediaris entre la situacion normala e la lèi marciala. Pòdon requistar l'ajuda de l'armada mai la polícia garda lo contraròtle dau mantenement de l'òrdre e la justícia fonciona mai ò mens normalament.