Motor de reaccion

Un motor de reaccion o reactor es un motor qu'expulsa un rag de fluid per generar una fòrça d'impulsion, segon la Tresena Lei de Newton. Aquesta definicion al sens larg inclutz los turboreactors, turbofans, fusadas e estatoreactors. Generalament los reactors son de motors de combustion intèrna, mas pas sistematicament.

Ensag d'un motor Pratt & Whitney F100 turbofan per un F-15 Eagle a la basa Florida Air National Guard

U.S. Air Force F-15E Strike Eagles

Motors de reaccion a l'enlairament.

Dins lo langatge corrent lo tèrme reactor fa referéncia a un motor de reaccion e de combustion intèrna. Es a dire un motor amb un compressor axial mogut per una turbina ("cicle de Brayton"), amb la poissença restanta porgissent la propusion per una tuvièra. Los avions de reaccion fan servir aqueles tipes de motors per los viatges sus longa distància. Los primièrs avions de reaccion utilizavan de reactor relativament ineficients per lo vòl subsonic. Los avions de reaccion subsonics modèrns an generalament un motor de reaccion de nauta dilucion o turbofan. Aqueles motors an una velocitat superiora e consoman mens de carburant que los motors de piston o los turboreactors sus de longas distàncias.