Peramelemorphia
Un bandicoot empalhat
| Règne | Animalia |
|---|---|
| Embrancament | Chordata |
| Sosembr. | Vertebrata |
| Superclassa | Tetrapoda |
| Classa | Mammalia |
| Coòrta | Marsupialia |
| Superòrdre | Australidelphia |
Los Peramelemòrfes (var. Peramelemòrfs[1]) comprenon los Bandicoots e los Bilbies, çò que recampa gaireben totes los Marsupials omnivòrs. Totes los membres d'aqueste òrdre son endemics a las doas massas de tèrra gemèlas que son Austràlia e la Nòva Guinèa, e la màger part partejan las caracteristicas del Bandicoot : un còrs repetenat e arcat amb un morre long doçàs, doas aurelhas dreitas plan desvolopadas, de patas longas pro finas e una coa fina. Lor massa varia entre 140 g e 2 kg, mas la màger part de las espècias an un pes comparable al d'un gat mejan (environ 1 kg).
La posicion dels Peramelemorphia dins la familha dels Marsupials es estada longtemps desconcertanta e controversiada. I a doas caracteristicas morfologicas que mòstran la linha evolutiva seguida pels representants d'aqueste grop : lo tipe de pata e las dents. Malaürosament, aquestes dos caractèrs van dins de direccions evolutivas opausadas !
Totes los membres de l'òrdre dels Poliprotodontes (qu'an maites parelhs de dents sus la maissa inferiora) mentre que los Peramelemòrfes n'an 3 parelhs. Aquò suggerís qu'an evoluit dels Dasyuromorphia, Marsupials carnivòrs. Çaquelà, an una caracteristica inabituala al nivèl dels pès : lo segond e lo tresen artelh son fusionats. Aquesta condicion sindactila es la caracteristica dels Diprotodontes, Marsupials erbivòrs que recampan los Cangorós, los Vombats, las Sarigas e los Coalàs.
Las temptativas per reconstituir lo copacap postulan que lo grop a evoluit dels carnivòrs, conservant atal la denticion dels Poliprotodontes, tot en desvolopant de biais independent la sindactilia de lors patas posterioras. Lo punt de vista opausat partís del principi que la sindactilia es tant inabituala que pòt aver evoluit dos còps e qu'atal, los Bandicoots serián eissits d'una creatura Diprotodonte que sembla una Sariga qu'auriá subit una evolucion de las dents. Una tresena ipotèsi es que lo grop de Bandicoots auriá evoluit d'un grop de carnivòrs primitius, qu'auriá desvolopat una sindactilia de las patas posterioras per s'especializar dins l'escalada dels arbres, e que los Diprotodontes aurián evoluit d'aqueste grop en desvolopant lor dents tant particularas. Las analisis molecularas recentas an pas resolgut aqueste problèma, mas suggerisson fòrtament que los Paramelemòrfes son fòrt distants, d'un punt de vista cladistica, dels autres Marsupials.
Classificacion
modificar- Òrdre dels Microbiotheria: (1 espècia, lo Monito del Monte d'America del sud)
- Òrdre dels Dasyuromorphia: (marsupials carnivòrs, 57 espècias dins 3 familhas)
- Òrdre dels PERAMELEMORPHIA (21 espècias)
- Familha dels Peramelidae
- Sosfamilha dels Peramelinae: bandicoots
- Bandicoot ralhat occisental, Perameles bougainville
- Bandicoot ralhat oriental, Perameles gunnii
- Bandicoot del nas long, Perameles nasuta
- Bandicoot del desèrt, Perameles eremiana (atudat)
- Bandicoot daurat, Isoodon auratus
- Bandicoot brun del nòrd, Isoodon macrourus
- Bandicoot brun del sud, Isoodon obesulus
- Bandicoota pès de pòrc, Chaeropus ecaudatus (atudat)
- Sosfamilha Thylacomyinae: bilbies
- Bilby, Macrotis lagotis
- Bilby menor, Macrotis leucura (atudat)
- Sosfamilha dels Peramelinae: bandicoots
- Familha Peroryctidae Bandicoots dels bòscs plujós de Nòva Guinèa
- Bandicoot gegant, Peroryctes broadbenti
- Bandicoot de Raffray, Peroryctes broadbenti
- Bandicoot mirga, Microperoryctes murina
- Bandicoot zebrat, Microperoryctes longicauda
- Bandicoot papó, Microperoryctes papuensis
- Bandicoot espinós, Echymipera rufescens
- Equimipera de Clara, Echymipera clara
- Equimipera de Menzie, Echymipera echinista
- Equimipera comuna, Echymipera kaluba
- Equimiperade Davis, Echymipera davidi
- Bandicootde l'illa de Seram, Rhynchomles prattorum
- Familha dels Peramelidae
- Òrdre dels Notoryctemorphia (2 espècias de marsupial talpa)
- Òrdre dels Diprotodontia (gaireben 117 espècias dins 11 familhas, incluses lo Coalà, los Vombats, las Sarigas, los rat cangarós, los Cangarós, Oalabis e autres.)
Aqueste òrdre de marsupials se compausa de doas familhas :
Nòtas e referéncias
modificar- ↑ Lo singular es pertot Peramelemòrf