Sejan
Lucius Aelius Sejanus (20 avC, Volsinii - 31 apC, Roma), dich Sejan, es un cap militar roman que foguèt prefècte dau pretòri de 15 a 31 apC durant lo rèine de Tibèri. Es presentat coma un manipulator abil dins lei tèxtes antics. Desirós d'obtenir lo principat, èra vengut amic amb l'emperaire e recebèt rapidament de cargas importantas. En particular, èra lo cap de la garda pretoriana. En 23 avC, organizèt probablament l'assassinat de Julius Caesar Drusus, lo fiu de Tibèri, per suprimir sa descendéncia legitima. Puei, isolèt pauc a cha pauc l'emperaire per renforçar son poder e son influéncia a Roma. Enfin, en 31 apC, organizèt lo reversament de Tibèri eu meteis. Pasmens, son projècte foguèt descubèrt. Sejan es alora arrestat e executat après un vòte dau Senat favorable a sa condamnacion a mòrt.