Sublimacion (psicanalisi)
La sublimacion es una nocion conceptualizada per Sigmund Freud a partir de 1895 e subretot dempuèi 1905.
Definicion
modificarFreud definís la sublimacion pel primièr còp en 1905 dins Tres ensags sus la teoria sexuala[1],[2] per rebatre un tipe particular d'activitat umana (la creacion literària, artistica e intellectuala) sens rapòrt aparent amb la sexualitat mas tirant sa fòrça de la pulsion sexuala quand passa cap una tòca non sexuala en investissent d'objèctes socialament valorizats[3]. Autrament dit, s'agís del procès de transformacion de l’energia sexuala (libido) la fasent deribar cap a d’autres domènis, coma las activitats artisticas.
Segonda topica
modificarA partir de la segonda topica, la sublimacion serà vista coma la transposicion d'una tòca pulsionala sexuala mas tanben agressiva. Freud la definissá atal entre autre se referissent a l'agressivitat:
| “ | La sublimacion es un concèpte que comprend un jutjament de valor. De fach, significa una aplicacion a un autre domèni ont de realizacions socialament mai valablas sont possiblas. [...] Totas las activitats qu'organizan o tòca de cambiaments son, dins una cèrta mesura, destructriças e tornan atal a una pulsion ("trieb") luènh de sa mira destructritz originala. Quitament l'instincte sexual, cossí lo sabèm, pòt pas agir sens una cèrta dòsi d'agression. En consequéncia, i a dins la combinason normala dels dos instinctes una sublimacion parciala de l'instincte de destruccion. | ” |
| — Feud, Letra del 25 de mai de 1937 a Maria Bonaparte | ||
Desexualizacion
modificarLa tòca de la pulsion es desviada: a la diferéncia del simptòma nevrotic, luènh d'implicar ànsia e culpabilitat, es associada a una satisfaccion estetica, intellectuala e sociala. Freud dubriguèt la bralha cap a aqueste tipe d'analisi explicitant lo contengut latent d'òbras tan diferentas coma Hamlet, o lo Moïse de Michelangelo. A la foncion catartica de l'acte de creacion s'apond un benefici narcissic. "Sovent citada, retenent subretot la desexualizacion de tòca e la valorizacion sociala de l'objècte, la sublimacion constituís una nocion indispensabla per la psicanalisi al meteis temps qu'un questionament"[4]. »
Epistemofila
modificarPer Mélanie Klein e los psicanalistas kleinians, lo concèpte d'epistamofia conten en partida aqueste de sublimacion.
Nòtas e referéncias
modificar- ↑ Sigmund Freud : Trois essais sur la théorie sexuelle (1905), Gallimard, coll. « Folio », 1989 ISBN: 2-07-032539-3
- ↑ {{{títol}}}. ISBN 978-2-253-08854-7., p. 1503
- ↑ Dictionnaire de la psychanalyse. E. Roudinesco et M. Plon, p. 1038. ISBN: 9782213 604244
- ↑ Sophie de Mijolla-Mellor: Sublimation in "Dictionnaire international de la psychanalyse", coll. sous la direction de Alain de Mijolla, Ed.: Hachette, 2005, (ISBN 2-01-279145-X)
Vejatz tanben
modificarBibliografia
modificar- Sigmund Freud, Malaise dans la civilisation, 1930
- Jean Laplanche - Jean-Bertrand Pontalis .Vocabulaire de la psychanalyse, Paris, 1967, Ed.: Presses Universitaires de France, Coll.: Quadrige Dicos Poche, ISBN: 2-13-056050-4
- Jean Laplanche, " Problématiques III : La Sublimation " Presses Universitaires de France - PUF, 1980, Modèl:2e éd. 1983 ISBN: 2-13-036991-X (Quadrige, 1998, 2008).
- Sophie de Mijolla-Mellor, La sublimation, Presses Universitaires de France, 2005, ISBN: 2-13-054405-3
- Jean-Michel Porret, La consignation du sublimable, Presses Universitaires de France - PUF, 2005, ISBN: 2-13-045682-0
- Hanna Segal, Rêve, art et phantasme, Bayard, 1993, ISBN: 2-227-23300-1
- Collectif, La Sublimation, les sentiers de la création, Sand & Tchou, 1997, ISBN: 2-7107-0594-X