Temps solar

Lo temps solar o temps vertadièr es una mesura du temps basada sul desplaçament aparent del solelh pendent la jornada. Lo temps solar en un luòc e a un moment donats es l'angle orari del solelh dins aquel luòc e a aquel moment. Ne ven la definicion del miègjorn solar: es lo moment ont lo Solelh atenh son punt de culminacion, en un endrech donat de la Tèrra; a aquel moment, son angle orari es egal a zero.

Sus una planeta prograda coma la Tèrra (es a dire que vira a l'entorn de son axe dins lo meteis sens qu'a l'entorn del Solelh), lo jorn solar es plus mai que le jorn sideral. A l'instant 1 lo Solelh e una estela fòrça alunhada son ambedoas en fàcia d'un punt donat de la Tèrra (lo punt roge). A l'instant 2, la planeta a fa un torn complèt a l'entorn d'ela meteissa e l'estela alunhada es de nòu en fàcia (1→2 = un jorn sideral). Mas cal un pauc mai per que, a l'instant 3, lo Solelh siá de nòu en fàcia (1→3 = un jorn solar).

Temps solar vertadièr o aparent

Lo temps solar vertadièr o aparent es fondat sul jorn solar aparent, qu'es la durada entre dos retorns successius del Solelh al meridian local. Aquela durada varia tot lo long de l'annada per doas rasons:

• L'enclinason de l'axe de la Tèrra al respècte del plan de l'ecliptica
• L'excentricitat de l'orbita de la Tèrra.

A causa d'aquelas particularitats, los jorns solars aparents son mai corts en Març e setembre qu'en junh o decembre.

Cal pas confondre lo temps solar vertadièr amb la durada d'ensolelhament que varia en foncion de la latitud e de la sason.

Temps solar mejan

Lo temps solar mejan es fondat sus un solelh mejan fictiu que se desplaçariá a l'entorn de l'eqüator a velocitat constanta tot lo long de l'an. Aqula mejana es de 24 oras.

Equacion del temps

La diferéncia entre lo temps solae mejan e lo temps solar aparent es nomenat l'equacion del temps. Sus Tèrra, varia entre 17 minutas en mens e 14 minutas en nai.

Vejatz tanben

• Jorn estelar
• Analema
• Equacion del temps
• Jorn
• Miègjorn
• Temps
• Temps sideral
• Quadran solar

Ligams extèrnes

• (fr) Legir l'ora solar