Dangui Oduber
Danguillaume Pierrino (Dangui) Oduber (☆ 13 di juli 1978 na Aruba) ta un politico Arubano y minister di Turismo y Salubridad Publico di Aruba desde 17 di november 2017. Den Gabinete Wever-Croes I e tabata ademas minister di Deporte. Previamente e tabata miembro di Parlamento di Aruba di 2013 pa 2017.
| Fecha di nasementu | 13 yüli 1978  |
|---|---|
| Lugá di nasementu | Oranjestad |
| Okupashon | politiko |
| Funshon | miembro di Parlamento di Aruba, Minister for Health and Tourism |
| Partido polítiko | Movimiento Electoral di Pueblo |
Bida
editáDangui Oduber a nace dia 13 di juli 1978 como di dos yiu homber di Nel Oduber, ex-lider di MEP y prome minister di Aruba y Glenda Croes. E ta e nieto di Milo Croes, ex-politico y presidente di Stichting Arubaanse Carnaval (SAC).
E tabata alumno di Colegio Bon Bini y La Salle College. Despues di caba HAVO na Colegio Arubano e ta bay studia na Hulanda. Na Hogeschool “In Holland” na Rotterdam e ta obtene un bachelor den “Economics, den Management Economics & Law” (MER, “Management Economie en Recht”) na 2005.[1] Despues di traha un tempo na Hulanda e ta regresa Aruba y tabata emplea pa compania di telecomunicacion SETAR di 2006 te 2013.
Na aña 2013 Oduber ta drenta e arena politico como candidato riba e lista di MEP. Den eleccion di 2013 e ta obtene 1749 voto personal y un asiento den parlamento.[2] E ta forma parti di e oposicion den parlamento como cu partido AVP a gana e eleccion. Den eleccion di 2017 MEP y AVP ta obtene mesun cantidad di asiento (9). Despues cu MEP a logra forma un gobierno di coalicion cu RED y POR ta instala Gabinete Wever-Croes I. Dangui Oduber ta wordo nombra minister di Turismo, Salubridad Publico y Deporte desde 17 di november 2017.[3] Desde 2021 bou di Gabinete Wever-Croes II e ta keda ocupa e funcion di minister di Turismo y Salubridad Publico, pero lagando e cartera di deporte cay.
Oduber ta casa cu Naliza Faarup y hunto nan tin dos yiu homber.
Referensia
|