Disolucion di Antia Hulandes
Disolucion di Antia Hulandes, un pais autonomo den Caribe den Reino Hulandes, a tuma luga ora e cinco isla a los for di otro dia 10 di oktober 2010 (miho conoci 10-10-10)[1]. Originalmente e tawata di comunidad di varios isla den Caribe cu a forma un pais apart autonomo den Reino Hulandes. Despues di e disolucion, e islanan di Boneiro, Saba y Sint Eustatius a bira un municipio special di Hulanda mes, mientras Corsou y Sint Maarten a bira pais constitucional den Reino Hulandes, hunto cu Aruba, cu a separa for di Antias Hulandes fo'i 1 di januari 1986.
| Fecha | 10 òktober 2010  |
|---|
Na cabes di Reino Hulandes ta e monarca, na e momento aki Rey Willem-Alexander.
Historia
editáE idea di Antia Hulandes como pais den Reino nunca tabatin un pleno apoyo di tur e islanan y e relacionnan politico entre e islannan tawata un sort'i "tension keto". Geograficamente, e Isla Abou: Aruba, Corsou y Boneiro y e Isla Ariba Saba, Sint Eustatius y Sint Maarten ta keda mas of menos 1.000 kilometer apart for di otro. Culturalmente, e Isla Abou tin un conexion profundo di Sur America, specialmente cu Venezuela y e poblacion ta papia un idioma crioyo Papiamentu probablemente deriva for di Portugues crioyo. Di otro banda, Islariba tin un influencia Ingles Caribense.
Ora e relacion nobo constitucional Caribense entre Hulanda y Colonia West India tawata consagra den e Statuut pa Reino Hulandes di 1954, e administracion colonial division di Antia Hulandes, unda el a deriva di Corsou y Dependencianan y naturalmente a agrupa e seis islanan bou di un administracion. Apesar di e hecho cu, e Arubianonan tawata kier un separacion for di Antia Hulandes inicio di decada 1930[2], e gobierno Hulandes y Antia Hulandes a purba di mantene e islanan hunto. Hulanda a haci esaki pa Antia Hulandes bira independiente mas lihe posibel; un yamada fuerte pa Hulanda despues di un disturbio na Willemstad, Corsou den 1969. E gobierno di Antia Hulanda tawata preocupa cu Antia lo los for di otro si un di e islanan separa; Prome Minister di Antia Hulandes a haci un remarke famoso: "seis min un ta cero".
Inkietud pa separacion a aumenta na Aruba, sinembargo, despues di un referendum consultativo organisa pa e gobierno den 1977, mester a tuma den consideracion e movimento di separacion/los for di Corsou. Despues di hopi negociacion a bay di acuerdo cu Aruba lo ta un pais separa cu su status den Reino Hulandes den 1986, cu un condicion cu nan lo bira ful independiente na 1996. Partido (MEP), cu a goberna e pais te 1986, a disinclina e acuerdo aki, pero AVP cu a bin na mando despues di 1986, a nenga tur cooperacion cu Hulanda den asunto di independencia.[3]
Di otro banda, Hulanda a bira mas y mas conciente cu conexion den Reino probablemente lo dura pa un periodo largo. Surnam, e otro partner den Reino Hulandes cu a bira independiente den 1975, a bay den un periodo di dictatura y guera civil, cu a debilita e ideologia di pro-independencia di gobierno Hulandes. Aruba y Hulanda a bay di acuerdo den juli 1990 pa kita articulo 62, cu tawata bisto di independencia di Aruba den 1996 den e statuut. Esaki a finalisa den 1994, den un par di condicion tocanter cooperacion riba tereno hudicial, bon gobernacion y finansa.[4]
Lucha pa separacion
editáMira: Status referendum di Corsou 1993 y Status referendum di Sint Maarten 1994
Mientras cu e posicion di Aruba como pais separa den Reino, a bay un yamada di areglo similar pa e islanan, specialmente Sint Maarten. Den tempo 1990, e cinco islanan cu a keda di reflexiona si nan kier keda den Antia Hulandes. Den luna di maart 1990, minister Hulandes di Aruba y Antia di Asunto Social, Ernst Hirsch, a bin cu un statuut na unda Corsou y Boneiro y Saba, Sint Eustatius y Sint Maarten lo forma dos pais nobo den Reino. E proposicion aki a bin cu diferente pregunta for di cada isla.
Despues cu un comite a wordo instala investigando e futuro di Antia Hulandes, un conferencia di futuro- Toekomstconferentie, unda Hulanda a bisa pa uza Conferencia di Mesa Rondo- cu wordo teni na 1993. Hulanda a propone pa tuma over e trabou federal di Antia, cu cada isla kedando autonomo na midi di Eilandenregeling Nederlandse Antillen (ERNA). Corsou lo yega mes leu como pais cu status halto manera Aruba. Boneiro y Sint Maarten lo conta cu apoyo como pais den futuro. Saba y Sint Eustatius no lo haya e perspectiva aki y lo keda como "Isla den Reino". Segun e Toekomstconferentie, e hecho cu e futuro di Reino lo crece den introduccion di ley nobo pa trece mas polis pa reduci crimen internacional (cu ta reduci e autonomia di Aruba y Corsou) y e hecho cu Sint Maarten no lo haya di biaha e 'status' como pais y cu lo resulta den un fracaso.
Decision a wordo tuma pa pospone e reunion di e conferencia te despues di referendum na Corsou. E resultado di e referendum, sinembargo, tawata na fabor pa mantene y restructura Antia Hulandes, apesar cu e gobierno di Antia Hulandes a campaña pa un status apart como pais. E otro islanan a vota pa keda den Antia Hulandes tambe. E partido PAR (Partido Antiá Restrukturá) a integra campañado pa keda na fabor pa mantene y restructura Antia, na poder.
Conferencia Mesa Rondo
editáE prome Conferencia di Mesa Rondo entre e islanan tawata e gobierno di Antia Hulandes y Hulanda tawata organisa dia 26 di november 2005. Nan a haci un acuerdo cu Sint Maarten y Corsou lo bira un pais autonomo den Reino Hulandes, mientras e tres islanan lo bira municipio di Hulanda. E areglo tawata tambe cu Hulanda lo tuma over e gastonan di Antia, bou di un condicion cu e islanan ta compromete pa elabora presupuesto flexibel pa preveni den futuro debe grandi. Colegio pa supervision financiero (CFT) componi pa miembro di ambos, Antia Hulandes y Hulanda, lo instala pa supervisa e presupuestonan di e islanan y di gobierno di Antia Hulandes.
Dia 11 di october 2006 tawatin un conferencia chikito, unda Boneiro, Saba y Sint Eustatius lo bira 'partner publico' hunto cu Hulanda. Un acuerdo final a bay tambe cu Corsou y Sint Maarten dia 2 di november. E acuerdo aki a inclui detaye tocante e colegio di supervision financiero (College financieel toezicht).
E conferencia final a bay segun ratificacion pa Hulanda y e islanan individual, menos Corsou, cu a wordo rechasa dia 29 di november 2006. E otro partidonan a dicidi pa sigui negocia sin Corsou. Un acuerdo di transacion a wordo haci dia 15 di december 2008, Dia di Reino, como fecha di separacion. E Conseho Insular di Corsou a adopta den 2007 un acuerdo cera, pero den 2009 a dicidi di pone e acuerdo den un referendum. E referendum aki tawata na fabor di e acuerdo cera aki. Un referendum similar den Boneiro a wordo anula pa e Gobernador di Antia Hulandes, pasobra e pregunta haci tawata vago di mas. Dia 15 di december 2008 un fecha pa disolucion tawata inhacibel, na su luga a bin un Conferencia Mesa Rondo e dia ey, unda un bes mas e acuerdo tawata poni riba papel atrobe. Den october 2009, a bin un di acuerdo cu e separacion lo tuma luga dia 10 di october 2010 y dia 9 di september 2010 tawatin un Conferencia Mesa Rondo final organisa na e ley di Parlamento tawata ceremonialmente firma den e Handvest pa cada partido.
Cambio constitucional
editáCorsou y Sint Maarten
editáCorsou hunto cu Sint Maarten a bira un pais autonomo den Reino, hunto cu Aruba. Den 2012 a planea pa hunto bin cu un florin nobo Caribense. Pa motivo di contratiempo esaki a keda posponi. Segun anunsio di CBCS e cambio mester tuma luga pa fin di 2025.[5]
Boneiro, Saba y Sint Eustatius
editáArticulo principal: Hulanda Caribe y Boneiro constitucional referendum 2010
Boneiro, Saba y Sint Eustatius a bira direct parti di Hulanda como municipalidad special (bijzondere gemeenten), un forma di "organo publico" (openbaar lichaam) skirbi den articulo 134 di constitucion Hulandes. E provincia Hulandes di Noord-Holland a invita e tres municipio nobo aki pa bira parti di e provincia. Actualmente (for di maart 2011), nan no ta parti di ningun provincia.
E municipionan aki ta resalta ordinariamente manera tur otro municipio Hulandes y lo introduci ley Hulandes. E residentenan di e isla aki lo por vota pa eleccion nacional di Hulanda y di Union Europeo. Tin, sinembargo par di excepcion pa e islanan aki. Por ehempel, siguridad social no ta mes un nivel cu Hulanda. Tambe no ta conoci si prostitucion y matrimonio di mesun sexo lo bira legal den e islanan aki, unda na Hulanda e ta legal.
E tres islanan aki lo mester participa den e Ministerio Hulandes di Asunto Exterior prome cu nan kier haci areglo cu otro pais den region. E municipionan lo wordo representa den e Gobierno di Reino Uni pa Hulanda, como nan por vota pa Parlamento Hulandes.
Riba 1 di januari 2011 e tres islanan aki a cambia pa dollar Mericano, en bes di euro cu ta wordo uza na teritorio Hulandes Europeo.
Corte comun
editáTur e cinco isla por haci uzo di Gemeenschappelijk Hof van Justitie van Aruba, Curaçao, Sint Maarten en van Bonaire, Sint Eustatius en Saba ('''Corte Comun di Husticia di Aruba, Corsou, Sint Maarten y di Boneiro, Sint Eustatius y Saba''')
Status den Union Europeo
editáReino Hulandes ta miembro di Union Europeo (UE). Sinembargo Antia Hulandes y Aruba, un pais autonomo apart di Reino, no ta wordo considera parti di UE, sino cu tin e status di pais y teritorionan ultramar (PTU). Sinembargo, solamente un tipo di ciudadania ta existi den Reino Hulandes, y tur ciudadano Hulandes ta ciudadano di UE.
Boneiro, Saba y Sint Eustatius no ta bira parti directo di Hulanda. E Minister di Conseho di Reino Hulandes a bay di acuerdo pa no cambia e status di e islanan cu repecto na UE den e prome cinco aña integrando e islanan aki den Hulanda. Despues di e cinco añanan aki pasa, lo tuma luga na e islanan aki un reevaluacion di e status di UE di e islanan. E islanan aki lo keda PTU por lo menos te 2015. Hulanda a sigura un provision den e Tratado di Lissabon cu ta bisa cu cada teritorio den Caribe Hulandes por haci un cambio di status pa region ultraperiferico si nan ta desea tal, sin nodo di cambia e Tratadonan di Union Europeo.
Fecha di transicion
editáDia 1 di september 2009, Saba a anuncia cu lo a desea di aparta di Antia Hulandes di biaha, na luga di warda te october 2010. Sinembargo, di acuerdo cu e Secretaria di Estado Hulandes, Ank Bijleveld, di Relacion di Reino Hulandes, cu no tawata legalmente posibel cu Saba pa bira independiente di Antia Hulandes prome.
E transicion a tuma luga meyanochi dia 10 di october 2010 (10/10/10) na Antia Hulandes (UTC-04:00), unda na Hulanda tawata 6 am (UTC+02:00).
Documento legal
editáStatuut pa Reino Hulandes
editáE acto di amienda di e Statuut pa Reino Hulandes tawata redacta riba 20 di januari 2009. E ta consisti di seis articulo cu e cambio pa e Statuut incluyendo articulo 1 te cu 3. Ley di Reino Hulandes ta duna pa articulo 3 pa tuma efecto rib'e fecha di publicacion di e ley den e agenda oficial di Hulanda ya articulo 1 y 2 den un fecha mas despues pa un decreto. Di e manera aki e futuro paisnan, Sint Maarten y Corsou, lo redacta nan constitucion y legalisacion fundamental prome cu e relacion nobo denter di Reino Hulandes por tuma efecto.
Tweede Kamer a adopta e ley riba 15 di april 2010, mientras Eerste Kamer a haci mescos riba 6 di juli 2010. Antia Hulandes a adopta e ley riba 20 di augustus y Aruba a haci mescos riba 4 di september.
Legalisacion pa integracion di Boneiro, Saba y Sint Eustatius denter di Hulanda
editáRiba 21 di november 2008, e cinco acto di redactacion cu tabata necesario pa e integracion di Boneiro, Saba y Sint Eustatius denter di Hulanda a wordo acepta pa rijksministerraad (Conseho di Minister di Reino Hulandes). E actonan aki ta:
- Acto di organo publico di Boneiro, Saba y Sint Eustatius (Wet op de openbare lichamen Bonaire, Sint Eustatius en Saba, cortico pa WOLBES).
- Acto di relacion di financia di Boneiro, Saba y Sint Eustatius.
- Amiendamento pa e acto di eleccion respectivamento Boneiro, Saba y Sint Eustatius.
- Acto di introduccion riba e organo publico di Boneiro, Saba y Sint Eustatius.
- Acto di adaptacion di e organo publico di Boneiro, Saba y Sint Eustatius.
E WOLBES ta defini e organisacion administrativo di e organo publico y ta modela segun e ley di Municipio Hulandes. E acto di introduccion aki ta specifica cu e ley di Antia Hulandes lo keda na vigor (valido) depues di e transicion di e tres islanan pa gobierno Hulandes y ta defini e proceso na unda ley Hulandes lo tuma over poco poco den e islanan. E Acto di Adaptacion ta adapta leynan di Antia Hulandes y leynan Hulandes cu lo tuma efecto di biaha pa e status nobo di e islanan.
Fuente, nota i/òf referensia
|